डा. केसी र सरकारबीच ८ बुँदे सहमति

-- नेपाली टाईम्स अष्ट्रेलिया ?>

काठमाडौं – सरकार र डा. गोविन्द केसीबीच शनिबार मध्यराति ८ बुँदे सहमति भएको छ ।

सहमतिसँगै डा.केसीले आज आइतबार बिहान २७ दिन लामो आमरण अनसन तोड्ने निश्चित भएको छ ।

डा.केसी र सरकारी वार्ता टोलीका संयोजक गोपिनाथ मैनालीले शनिबार मध्यरातमा सहमति पत्रमा हस्ताक्षर गरेका हुन् ।

सरकार र डा. केसीबीच कर्णाली स्वास्थ्य विज्ञान प्रतिष्ठानमा आगामी वर्षबाट एमबीबीएस कार्यक्रम सञ्चालन गर्ने सहमति भएको छ ।

त्यस्तै विश्वविद्यालय र प्रतिष्ठानहरुमा पदाधिकारी नियुक्ति निष्पक्ष र पारदर्शी बनाउन उच्च शिक्षासम्बन्धी विधेयक र एकीकृत स्वास्थ्य शिक्षा प्रतिष्ठानसन्बन्धी विधेयकमा समेट्न तीन साताभित्र मस्यौदा बनाउने र कानूनी व्यवस्था नहुँदासम्म वरिष्ठता र कार्यक्षमताका आधारमा नियुक्ति गर्ने सहमति पनि दुई पक्षबीच भएको छ ।