रामचन्द्र र जुनुको स्वरमा ‘यो तिहारैमा घरमै नाचिन्छ…’

भिडियो सहित
-- नेपाली टाईम्स अष्ट्रेलिया ?>

काठमाडौं | दशैं जस्तै तिहार पनि आफ्नै घरमा मनाउनु पर्छ भन्ने सन्देशसहितको एउटा नयाँ गीतको म्युजिक भिडियो सार्वजनिक भएको छ । गायक रामचन्द्र काफ्ले तथा गायिका जुनु रिजाल काफ्लेको यूगल गीत ‘यो तिहारैमा घरमै नाचिन्छ’ म्युजिक भिडियो सहित दर्शक तथा स्रोता माझ आएको छ ।

गीत मार्फत वैदेशिक रोजगारका क्रममा विदेशमा रहेका नेपालीले दशैं तथा तिहार जस्ता ठूला पर्व विदेश मै मनाउनु परेको यथार्थतालाई चित्रण गरिएको छ ।

राजकुमार बगरको शब्द रचनाको उक्त गीतलाई गायक रामचन्द्र काफ्ले नै संगीतबद्ध गरेका हुन् । गीतको म्युजिक भिडियोमा चक्र बम, सुधीर श्रेष्ठ, गरिमा शर्मा, रुविना अधिकारी, अस्मिता पन्त, वसन्त अधिकारी तथा पल्पसा डंगोलले अभिनय गरेका छन् । उत्सव दाहालको छायांकन, सुरेन्द्र बसेलको नृत्य निर्देशन र विकास दाहालको सम्पादन रहेको उक्त भिडियोलाई विधान कार्कीले निर्देशन गरेका हुन् ।