नेपालमा कोरोना भाइरसका २९०९ सङ्क्रमित थपिए

-- नेपाली टाईम्स अष्ट्रेलिया ?>

काठमाडौं- नेपालमा कोरोना भाइरसका २९०९ सङ्क्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४५०० संक्रमित निको भएर घर फर्केका छन् ।

मन्त्रालयले दैनिक विवरण अद्यावधिक गर्दै पछिल्लो चौबीस घण्टामा देशभरि दुई हजार ९०९ जना संक्रमित थपिएको जनाएको छ ।

थपिएका संक्रमितसँगै नेपालमा कुल सङ्क्रमित संख्या एक लाख ८८ हजार ८८३ पुगेको छ ।

हाल ३४ हजार ९०५ जनामा भाइरसको संक्रमित सक्रिय रहेको मन्त्रालयले जनाएको छ ।

पछिल्लो चौबीस घण्टामा चार हजार पाँच सय सङ्क्रमित निको भएसँगै हालसम्म एक लाख ५२ हजार ९०८ जना निको भएर घर फर्केका छन् ।

पछिल्लो चौबीस घण्टामा १८ जना कोभिड सङ्क्रमितको मृत्यु भएको छ ।

हालसम्म मृत्यु हुनेको संख्या एक हजार ७० पुगेको छ ।