शाहरुखको फिल्ममा सलमान

-- नेपाली टाईम्स अष्ट्रेलिया / प्रकाशित मिति : मङ्लबार, मंसिर २३, २०७७

हिजोआज बलिउडमा एक खान अर्का खानका लागि जे पनि गर्न तयार हुन थालेका छन् । चाहे त्यो फिल्ममा सानो अभिनय नै किन नहोस् । शाहरुख खानको फिल्म पठानको शूटिङ शुरु हुन लागेको छ । फिल्म पठानमा शारुखसंग दीपिका पादुकोण र जोन अब्राहम पनि देखिने छन् । उक्त फिल्ममा एउटा सानो भूमिकाका लागि सलमान खानसंग कुराकानी भएको खबर बाहिरिएको छ । सलमान खानले पनि उक्त भूमिका निभाउन तुरुन्त स्वीकार गरेका छन् । एउटा समाचारमा जनाइए अनुसार सलमान खान पनि उक्त फिल्ममा काम गरुन् भन्ने चाहाना निमार्ताहरुको रहेको छ । शाहरुखले पनि फिल्ममा अभिनय गर्ने भन्ने भएपछि सलमानले नाईा भन्न नसकेको बताइन्छ । यो भन्दा पहिला पनि ओम शान्ति ओम र जीरो फिल्ममा सलमानले शाहरुखका लागि सानो भूमिका निर्वाह गरेका थिए । त्यस्तै शाहरुखले पनि सलमानको फिल्म ट्यूबलाइटमा त्यस्तै काम गरेका थिए ।