२४ घण्टामा थपिए एक हजार ४४ संक्रमित

-- नेपाली टाईम्स अष्ट्रेलिया ?>

काठमाडौं– नेपालमा कोरोना भाइरसका एक हजार ४४ संक्रमित थपिएका छन् ।

पछिल्लो चौबीस घण्टामा एक हजार २७१ जना संक्रमित निको भएर घर फर्केका छन् ।

स्वास्थ्य तथा जनसंख्या मन्त्रालयले कोभिड–१९ सम्बन्धि दैनिक विवरण अद्यावधिक गर्दै पछिल्लो चौबीस घण्टामा एक हजार ४४ संक्रमित थपिएकोमा एक हजार २७१ जना निको भएर घर फर्केको जनाएको छ ।

थपिएका संक्रमितसँगै नेपालमा कोरोना भाइरसका कुल संक्रमित दुई लाख ४६ हजार ६ सय ९४ पुगेको छ ।
मन्त्रालयका अनुसार हाल १२ हजार १४८ जनामा मात्रै भाइरसको संक्रमण सक्रिय रहेको छ ।

हालसम्म दुई लाख ३२ हजार ८७२ जना संक्रमित निको भएका छन् ।

मन्त्रालयले हालसम्म १८ लाख २० हजार ६१८ जनाको आरटीपीसीआर परीक्षण गरिएको जनाएको छ ।

पछिल्लो चौबीस घण्टामा ११ जना संक्रमितले ज्यान गुमाएका छन् ।

उक्त मृतकसँगै नेपालमा कोरोनाभाइरसबाट हालसम्म मृत्यु हुनेको संख्या एक हजार ६७४ पुगेको छ ।