छ हजार परीक्षणमा पाँच सय ३४ संक्रमित

-- नेपाली टाईम्स अष्ट्रेलिया ?>

काठमाडौं– नेपालमा कोरोना भाइरसका पाँच सय ३४ जना संक्रmमित थपिएका छन् ।

थपिएका सङ्क्रमितसँगै कुल सङ्क्रमित दुई लाख ६० हजार ५९३ पुगेको छ ।

हालसम्म १९ लाख ३२ हजार ४७७ जनाको आरटीपीसीआर परीक्षण गरिएको छ ।

स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा छ हजार आरटीपीसीआर परीक्षण गरिएकोमा उक्त संख्यामा सङ्क्रमणको पुष्टि भएको हो ।

मन्त्रालयका अनुसार हाल छ हजार तीन सय ७८ जनामा भाइरसको संक्रमण सक्रिय छ ।

पछिल्लो चौबीस घण्टामा चार सय ४७ जना संक्रमित निको भएका छन् ।

निको भएकाहरुको संख्या दुईलाख ५२ हजार ३५९ पुगेको छ ।

नेपालमा कोरोना संक्रमित हुने दर ९६ दशमलव ८४ प्रतिशत छ ।

पछिल्लो चौबीस घण्टामा नौ जना संक्रमतिको मृत्युको पुष्टि भएको छ ।

हालसम्म नेपालमा कोरोना संक्रणबाट एक हजार ८५६ जनाको मृत्यु दर्ता गरिएको छ ।

हाल छ हजार तीनसय ७८ जना आइसोलेशनमा र तीन सय ६२ जना क्वारेन्टिनमा छन् ।