२४ घण्टामा ११९ संक्रमित थपिँदा २६० संक्रमणमुक्त

-- नेपाली टाईम्स अष्ट्रेलिया ?>

काठमाडौं – नेपालमा कोरोना भाइरसका ११९ जना संक्रमित थपिएका छन् ।

पछिल्लो चौबीस घण्टामा कोरोनाका २६० जना सङ्क्रमित निको भएर घर फर्केका छन् ।

स्वास्थ्य तथा जनसंख्या मन्त्रालयले कोभिड १९ सम्बन्धी विवरण अद्यावधिक गर्दै थपिएका सङ्क्रमितसँगै नेपालमा कुल सङ्क्रमितको संख्या दुई लाख ७१ हजार ९२५ पुगेको जनाएको छ ।

जसमध्ये दुई लाख ६८ हजार ७२ जना सङ्क्रमित निको भएका छन् ।

नेपालमा अहिलेसम्म ९८.५८ प्रतिशत निकाे भएका छन् ।

हाल एक हजार ८१५ जना सङ्क्रमित आइसोलेशनमा छन् ।

पछिल्लो चौबीस घण्टामा दुई हजार २५१ वटा आरटीपीसीआर परीक्षण गरिएको थियाे ।

हालसम्म २० लाख ९३ हजार ४१७ जनाको आरटीपीसीआर परीक्षण गरिएको छ ।

पछिल्लो चौबीस घण्टामा तीन जना सङ्क्रमितको मृत्यु भएको छ ।

हालसम्म दुई हजार ३८ जना सङ्क्रमितले ज्यान गुमाएका छन् ।

हाल ९२ जना क्वारेन्टिनमा छन् ।