पछिल्लो २४ घण्टामा २ सय १४ संक्रमितको निधन

-- नेपाली टाईम्स अष्ट्रेलिया ?>

काठमाडौं– पछिल्लो २४ घण्टामा नेपालमा कोरोना भाइरसका ९ हजार २ सय ४७ जना नयाँ संक्रमित थपिएका छन् ।

यो अवधिमा २२ हजार ८७ जनाको परीक्षण गरिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ९ हजार १ सय ९८ जना पीसीआर विधाबाट परीक्षण गर्दा संक्रमित पुष्टि भएका हुन् भने ४९ जना एन्टिजेन विधिबाट परीक्षण गर्दा संक्रमित पुष्टि भएका हुन् ।

यो अवधिमा २१ हजार ६ सय ५३ पीसीआर तथा ४ सय ३४ एन्टिजेन गरी कुल २२ हजार ८७ जनाको कोरोना भाइरसको संक्रमणको परीक्षण गरिएको थियो ।

यो अवधिमा २ सय १४ जनाको दुखद निधन भएको छ ।

त्यस्तै पछिल्लो २४ घण्टामा ५ हजार ७ सय ६७ जना संक्रमणमुक्त भएका छन् ।