गायक राज के गोस्वामीको ‘हिमालै राम्रो हिउँले…‘ सार्वजनिक, भिडियोमा नौलो प्रयोग

-- नेपाली टाईम्स अष्ट्रेलिया ?>

सिड्नी– लामो समयदेखि अष्ट्रेलियामा बसोबास गर्दै आइरहेका गायक तथा अष्ट्रेलियाको स्थापित इभेन्ट म्यानेज्मेन्ट कम्पनी नेपाली टचका सीईओ राज के गोस्वामी आफ्नो बिल्कुलै नयाँ शैलीको गीतमार्फत दर्शक तथा स्रोतामाझ आएका छन् ।

अष्ट्रेलियाका विभिन्न शहरहरुमा कन्सर्टसहितका कार्यक्रमहरु आयोजना गर्दै आएका गायक गोस्वामी यसपटक ‘हिमालै राम्रो हिउँले‘’ बोलको गीतमार्फत दर्शक तथा स्रोतामाझ आएका हुन् ।

‘कोशिश–२’ शीर्षकको एल्बममा समावेश भएको यो गीतलाई विक्रम थापाले संगीतबद्ध गरेका छन् भने सुमन कुँवर यो गीतका रचनाकार हुन् ।

सन्दिप कार्कीले प्रस्तुत गीतमा संगीत संयोजन गरेका छन् ।

गीतको भिडियोमा नौलो प्रयोग गरिएको छ ।

नेपाली गीतका म्युजिक भिडियोमा यस्तो प्रयोग विरलै देख्न पाइन्छ ।

गीतलाई पूर्ण रुपले भिएफएक्स प्रविधिमा तयार पारिएको छ ।

भिडियोमा बिजेश पौडेल तथा पूजा धामीलाई भिएफएक्समार्फत नै प्रस्तुत गरिएको छ ।

भिडियोलाई बिजेश पौडेलले नै निर्देशन गरेका छन् भने भिएफएक्स तथा सम्पादन पनि उनैले गरेका हुन् ।

निशा पौडेलद्वारा छायांकन गरिएको उक्त भिडियोलाई नेपाली टचले प्रस्तुत गरेको हो ।