कोरोना निको हुने दर ९४ प्रतिशत

-- नेपाली टाईम्स अष्ट्रेलिया ?>

काठमाडौं– शुक्रवार नेपालमा थप दुई हजार २९९ जनामा कोरोना सङक्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार शुक्रवार छ हजार ५६६ जनाको पिसिआर तथा चार हजार ३० जनाको एन्टिजेन परीक्षण गरिएकोमा क्रमशः एक हजार ३९१ र ९०८ जनामा सङ्क्रमण पुष्टि भएको हो ।

शुक्रवार देशभर ३४ सङ्क्रमितको मृत्यु भएको स्वास्थ्य मन्त्रालयले जनाएको छ ।

हालसम्म नेपालमा नौहजार १७९ जना सङ्क्रमितको मृत्यु भएको छ ।

त्यस्तै शुक्रवार देशभर तीन हजार ४५१ जना उपचारपछि निको भएर घर फर्किएका छन् ।

सङ्क्रमणको निको हुने दर ९४ प्रतिशत रहेको छ ।

हालसम्म ६ लाख तीन हजार ६०० सङ्क्रमित निको भइसकेको जनाइएको छ ।

हालसम्म ३३ लाख ५७ हजार ८२९ को परीक्षण भएको छ ।

हाल सक्रिय सङ्क्रमितको सङ्ख्या २९ हजार २७४ जना रहेको मन्त्रालयले जनाएको छ ।