अक्टोबर २३–२५ सम्म एनआरएनएको ग्लोबल सम्मेलन

-- नेपाली टाईम्स अष्ट्रेलिया ?>

काठमाडौं– गैरआवासीय नेपाली संघ (एनआरएनए) को शनिवार सम्पन्न ७८ औं अन्तर्राष्ट्रिय समन्वय परिषद्को बैठकले आगामी अक्टोबर २३–२५ (कार्तिक ५ गतेदेखि ८ गते) सम्म १० औं एनआरएन ग्लोबल सम्मेलन र १० औं साधारणसभा आयोजना गर्ने निर्णय गरेको छ ।

गैरआवासीय नेपाली संघका प्रवक्ता डिबी क्षेत्रीद्वारा जारी विज्ञप्तीमा उल्लेख गरिए अनुसार त्यसका लागि अध्यक्ष कुमार पन्तको संयोजकत्वमा आयोजक समिति गठन गरिने छ ।

विज्ञप्तीमा अन्तर्राष्ट्रिय कार्यकारी सचिवालयका पदाधिकारीहरुको निर्वाचन अनलाईन प्रणालीबाट गर्ने निर्णय भएको जनाइएको छ भने निर्वाचनमा भाग लिने प्रतिनिधिको शूल्क समेत शून्य कायम गरिएको छ ।

निर्वाचनका लागि उम्मेदवार मनोनयन शूल्क सन् २०१९ को निर्वाचनमा तोकिए बमोजिमकै कायम गर्ने निर्णय भएको छ ।

गैरआवासीय नेपाली संघको निर्वाचन सम्बन्धि नियमावली, एनआरएन फाउण्डेसन, आर्थिक नियमावली लगायतका विभिन्न १९ नियमावलीहरु संशोधन गरिएको छ ।

बैठकले आर्थिक वर्ष २०७८–२०७९ को बजेट पारित गरेको छ ।