सिड्नी | अष्ट्रेलियामा रहेर नर्सिङ पेशामा आबद्द नेपाली मुलका नर्सहरु लाई एक जुट गराई नेपालको स्वास्थ्य क्षेत्रमा दिर्घकालिन सहयोग गर्ने साथै नेपाली समुदायको धरै ठुलो हिस्सा नर्सिङ पेसामा भएकोले यो समुहको पनि एउटा प्रतिनिधिमुलक संस्था चाहिन्छ भन्ने उद्देश्यले स्थापना भएको Nepalese Nursing Association Australia (NNAA) ले आउँदै गरेको एनआरएनए निर्बाचनमा संस्थाको नेतृत्वमा जान चाहाना राखेका NNAA का व्यक्तित्वहरु संग गत जुलाई २४ का दिन एक भर्चुवल अन्तरक्रिया सम्पन्न गरेको छ ।  एनआरएनएनमा उम्मेद्वारी दिने पेशाले नर्स रहुनुभएका अष्ट्रेलियाका व्यक्तित्वहरु सँग वहाँहरुका स्वास्थ्य सँग सम्बन्धित के कस्ता योजनाहरु छन र NNAA संस्थालाई वहाँहरुको चुनाबको नतिजा जे आएपनि स्वास्थ्यकर्मी र NRN अभियन्ता भैइरह्ँदा के कसरी सहयोग गर्न सक्नुहुन्छ भन्ने मुल प्रश्नमा रही सबै राज्यका प्रतिनिधिहरुसँग उक्त भर्चुवल अन्तरक्रिया केन्द्रित थियो । संस्थाका संस्थापक मध्येका एक प्रकाश लामिछानेले सहभागीहरु लाई स्वागत गर्दै संस्थाको स्थापना र उदेश्यको बारेमा आफ्नो विचार राख्नु भएको उक्त कार्यक्रम दिलिप गिरीले संचालन गर्नुभएको थियो।

अन्तरक्रिया कार्यक्रमको सुरुवात मेलबर्न निवासी र हालको एनआरएनएको निर्बाचनमा आफुलाई राष्ट्रिय युवा संयोजक (NCC Youth Co-ordinator)  को उम्मेदवारी दिनुभएका बबिन मिश्रको कुराबाट भएको थियो । वहाँको जोड Team Building, अहिलेको स्थितिमा COVID ले गर्दा असर गरेका ब्यक्तिहरुलाई सहयोग गर्ने, अझ बिशेष गरी Post Pandemic Recovery Support मा जोड दिनुभयो, यसक्रममा वहाँले आँफै COVID को शिकार भएको पनि अनुभब साट्नु भयो।  वहाँले स्वास्थ्य सम्बन्धित चेतनामुलक कार्यक्रम, एउटा पुस्ताबाट अर्को पुस्तामा हस्तान्तरण देखी Mental Health को क्षेत्रमा साथ साथै NNAA संस्था सँग मिलेर काम गर्न इच्छुक रहेको कुरा बताउनुभयो । त्यसैगरी NSW NCC सदस्यको रुपमा उम्मेद्बारी दिनुभएका दामोदर अधिकारीले छोटोमा पारिवारिक स्वास्थ्य, यो संस्थाको सदस्यता अभियानलाई तिब्र रुपमा अगाढी बढाउनुपर्ने भन्ने कुरालाई जोड दिदै नेपाल मा अक्सिजन प्लान्ट स्थापना लगायत बिभिन्न सचेनतामुलक कार्यक्रमहरु गर्नुपर्छ भन्ने कुरामा जोड दिनु भयो। आफ्नो कुरा राख्ने क्रममा NSW NCC कै अर्की उम्मेद्वार दीपा जोशीले नेपालमा र यहाँको नेपाली समुदायमा रहेको Mental Health क्षेत्रमा केही गर्नुपर्छ भन्नेमा आफ्नो इच्छ रहेको विचार  ब्यक्त गर्नु भएको थियो ।  NRN का सक्रिय अभियन्ता र NNAA का संस्थापक मध्येका अर्का व्यक्ती र यसपाली ICC सदस्यका लागि उम्मेद्वार दिनुभएका धर्म अधिकारीले अहिलेको अवस्थामा सबैले COVID Vaccine लगाउनुपर्ने कुरामा ध्यान दिनुपर्ने भन्दै Global Health System , Post Disaster Management , Blood Transfusion, Australian Nepali Public Link लगायत बिषयमा बिस्तृतमा आफ्ना अनुभवहरु र आफ्ना योजनाहरु शेयर गर्नु भएको थियो।
यसै गरि साउथ अष्ट्रेलियाबाट State Co-ordinator म उम्मेद्बारी दिनुभएकी सन्तोषी गौतमले अष्ट्रेलियामा रहेका नेपाली समुदायमा देखिएको बाबुआमा र छोराछोरीको बिचमा बढीरहेको दुरीको बिषयमा हामीले भूमिका खेल्नुपर्ने बिषयमा जोड दिनुभयो ।त्यसैगरी हामी नेपाली संस्थाहरुले आँफु आँफु रकम सङ्कलन गरेर मात्र भन्दा पनि अब आउने दिनमा यहाँको सरकारी अनुदानमा पनि पहुँच पुर्‍याउनुपर्छ जुन सम्भब पनि छ भन्ने कुरामा आफ्नो कुरा राख्नुभयो । वहाँले खेल्कुद लगायत  बिभिन्न कार्यक्रममा महिला सहभागिता बढाउनको लागि बिशेष भूमिका खेल्नेछु भने प्रतिबद्धता ब्यक्त गर्नुभयो।  साउथ अष्ट्रेलियाबाट  नै NCC Youth Member को उम्मेद्बारी दिनुभएका श्याम कृष्ण बोहराले पनि Current Pandemic,  Mental Health को कुरा उठान गर्नुको साथै जसरी अष्ट्रेलियामा पुरुष नर्सहरु हुन्छन यसरी नै नेपालमा पनि हामीले पुरुषहरुलाई पनि प्रोत्शाहन गर्ने कार्यक्रम गर्नुपर्छ भन्ने फरक कुरा उठाउनुभयो ।  साउथ अष्ट्रेलियाबाट नै NCC Women Co-ordinator मा उम्मेद्बारी दिनुभएकी मन्जु खड्काले मेडिकेयर कार्ड नहुनेहरु लाई निशुल्क स्वास्थ्य जाँच, नारी सशक्तिकरण बिषयमा केही गर्ने सोच रहेको र महिलाहरुमा हुने स्वास्थ्य समस्याहरु जस्तो Breast Cancer, Cervical Cancer and Mental Health को क्षेत्रमा जोड दिने प्रतिबद्दता व्यक्त गर्नु भयो । खड्काले बिगतमा पनि अन्य संस्थाहरु बाट नेपालमा जोडीन पाउँदा धेरै खुशी लागेको र भबिष्यमा NNAA सँग सहकार्य गर्न आफू सदैब तयार रहने बताउनुभयो।
अर्का ICC उम्मेद्वार सुर्यराज आचार्यले पनि श्याम कृष्ण बोहराको नेपालमा पुरुष नर्सको सहभगिताको कुरामा जोड दिदै महिला पुरुष सँगै काम गर्दाको प्रभावकारीताको बारेमा सरकारी स्तरमा निती निर्माणको तहमा काम गर्नुपर्ने र यसको लागि स्कुल देखि नै हामीले चेतनामुलक कार्यक्रमहरु गर्नुपर्छ भन्ने कुरा बताउनुभयो। त्यसैगरी हामीले अस्ट्रेलियामा Nurse Graduate हरुलाई काम गर्न, Documentation गर्ने बिषयमा Right decision making क्षमतामा सहयोग गर्नुपर्छ जस्ले गर्दा उनिहरुलाई काममा आत्मबिश्वास बढन मद्दत पुग्नेछ।  यसको लागि NNAA जस्ता संस्था सँग मिलेर कार्य गर्न आफू इच्छुक रहेको बताउनुभयो। उम्मेद्वार नभएपनी Sydney बाट सन्दीप कंडेल जोडीनुभएको थियो । वहाँले यो संस्थासँग काम गर्न आँफु सधैं तत्पर रहने प्रतिबद्ध्ता जनाउनुभयो। तिर्थराज कार्की पेशाले स्वास्थ्यकर्मी नभएपनी NNAA जस्ता संस्थासँग कार्य गर्न उत्साहित रहेको बताउनुभयो । वहाँको उम्मेदवारी NCC Secretary को लागि रहेको छ। तेसैगरी Australian Capital Territory बाट NCC सदस्यको उम्मेद्वार दिनुभएका सुमन देवकोटाले अहिलेको परिस्थितीमा COVID सतर्कता अपनाउनु पर्नेमा जोड दिँदै NNAA सँग काम गर्न तयार रहेको बताउनुभयो।
सबै उम्मेदवारहरूले अस्ट्रेलियामा नेपाली मूलका नर्सहरुको सङ्ख्या बढे सँगै यो संस्था जन्मिनु धरै खुशीको कुरा बताउदै र आँफुहरु NNAA सँग जोडीन पाउँदा उत्साहित भएको व्यक्त गर्नु भयो । चुनाबको नतिजा जे आएपनि यो संस्थालाई अगाडि बढाउन आँफुहरु पनि लागिपर्ने प्रतिबद्दता सबैजनाले राख्नुभयो । सबैजनाले यो संस्था अस्ट्रेलियाका सबै राज्यमा पुग्नुपर्छ र धेरै भन्दा धेरै नर्सहरु लाई समेट्नमा आफूहरूले आफ्नो ठाँउबाट सक्दो सहयोग गर्ने कुरामा जोड दिनुभयो । उक्त कार्यक्रम NNAA को पेजबाट पनि प्रतक्ष्य प्रसारण पनि गरिएको थियो।