अष्ट्रेलिया सरकार तथ्यांक बिभाग द्वारा जारि प्रेश बिज्ञप्तिमा करिब १ करोड अष्ट्रेलियन घरहरुमा जनगणना सम्बन्धि फर्म र निर्देशिकाहरु पठाईएको जानकारी गराइएको छ । फर्म अनलाइन पनि भर्न सकिनेछ भने कसैले कागजी फर्म भर्न चाहेमा बिभागले निर्देशिका पत्रका साथमा हुलाक टिकेट सहितको खालि खामपनि पठाउने जानकारी गराइएको छ ।
जनगणनामा अष्ट्रेलियनहरुका अतिरिक्त अन्तर्राष्ट्रिय बिधार्थीहरु तथा अस्थाई बासिन्दाहरुले पनि पर्ने छन् । १० अगस्तमा तपाईको बसोबास कहाँ हुन्छ त्यहि आधारमा जानकारी सहित जनगणना फर्म भर्नका लागि जनगणना बिभागका कार्यकारी निर्देशक एन्ड्रयु हेन्डर्सनले अनुरोध गरेका छन् । जनगणना फर्म भर्नका लागि १० अगस्तलाइ आधार मानिएको छ तर त्यै दिन भर्नु पर्छ भन्ने छैन तर तपाई १० अगस्तको रातमा जहाँ हुनुहुन्छ त्यहिको विवरण दिनुपर्ने हुन्छ । धेरै भन्दा धेरै मानिसहरु सहज ढंगले जनगणनामा सामेल हुन सकुन भन्ने उद्देश्यले जनगणना मोबाइल मार्फत, अनलाइन र कागजी फर्म भरेर पनि सहभागि हुन सकिने छ । यो जनगणनामा बहुसांस्कृतिक समुदायको सहयोगको अपेक्षा गरेको निर्देशक हेन्डर्सनले बताएका छन् ।
जनगणनाबाट प्राप्त सूचनाहरु जस्तै उनीहरु जन्मेको देश, घरमा बोलिने भाषा जस्ता कुराले  अप्रवासी तथा शरणार्थीहरुलाई सरकारले निर्माण गर्ने नीति तथा प्रदान गर्ने सुबिधा तथा सहयोगमा महत्वपूर्ण सहायोग प्राप्त हुन्छ ।
बन्दाबन्दि कारण जनगणना फर्म भर्न कठिनाइ भएमा तपाइको आफ्नै भाषामा अनुवादक र दोभाषेको सुबिधा छ । सेवाको लागि १३१४५० मा सम्पर्क गर्न तथ्यांक बिभागले अनुरोध गरेको छ ।
सबै बहुसांस्कृतिक समुदायलाइ जनगणना कार्यक्रममा सहभागी हुन बहुसांस्कृतिक सल्लाहकार समितिका सदस्य Omer Incekara ले आग्रह गरेका छन् ।
“जनगणना द्वारा प्राप्त   तथ्यांकले समुदायका  संगठनहरु, सरकार र व्यवसायहरुका  सेवाहरु र पहलहरु को बारेमा सीधा प्रभाव पार्ने र हाम्रो समुदायलाई चाहिने सहयोग र सुबिधा सम्बन्धि नीति निर्माण गर्न महत्वपूर्ण भूमिका रहने हुनाले अष्ट्रेलियामा भएका सम्पूर्ण बहुसांस्कृतिक  समुदायलाई यसमा सहभागी हुन  बहुसांस्कृतिक संघका-सल्लहकार  Omer Incekara सबैलाई अनुरोध गरेका छन् ।
अष्ट्रेलियामा बस्ने हरेक  ब्यक्तिले  जनगणनामा सामेल भएर आफ्नो समुदायलाई सहयोग गर्न  सक्छन् । जनगणना मार्फत तपाइले प्रदान गर्ने आफु जन्मेको देश र भाषा जस्ता सूचनाले  बढ्दो र परिवर्तित बहुसान्स्कृतिक जनसंख्याको झलक दिन्छ र सरकारलाई तदनुसार नीतिनिर्माण गर्न मद्त गर्छ । आफ्नो भाषामा अधिक सुचना लिनको लागि उल्ल्लेखित वेबसाईटमा हेर्न सक्नुहुने छ ।