आजदेखि साताव्यापी ‘नेपाल मास्क अभियान’

-- नेपाली टाईम्स अष्ट्रेलिया ?>

काठमाडौं– स्वास्थ्य मन्त्रालयले आज शनिवारदेखि एक साताव्यापी ‘नेपाल मास्क अभियान’ सञ्चालन गर्दैछ ।

यो अभियान साउन २९ गते शुक्रवारसम्म सञ्चालन गरिने छ ।

‘महामारी नियन्त्रण र रोकथाममा मेरो प्रतिवद्धता, मास्क लगाउनु नै हो आजको आवश्यकता’ भन्ने नाराका साथ मन्त्रालयले यो अभियानको घोषणा गरेको हो ।

ह्यास ट्याग #मजिम्मेवारीनेपाली सहितको उक्त अभियानले ‘म पनि मास्क लगाउँछु र अरुलाई पनि मास्क लगाउन प्रेरित गर्छु’ भन्ने सन्देश बोकेको छ ।

मन्त्रालयले मास्क लगाउन, भौतिक दुरी कायम गर्न तथा बेला बेलामा साबुनपानीले हात धुन आग्रह गर्दै कोरोना संक्रमणबाट बच्नका लागि स्वास्थ्यका सबै मापदण्डहरु पालन गर्न आग्रह गरेको छ ।