कुलप्रसाद केसी लुम्बिनीको मुख्यमन्त्री नियुक्त

-- नेपाली टाईम्स अष्ट्रेलिया ?>

बुटवल- लुम्बिनी प्रदेशको मुख्यमन्त्रीमा कुलप्रसाद केसी नियुक्त हुनु भएको छ ।

२०७४ सालको चुनावमा रोल्पाको निर्वाचन क्षेत्र १ को ‘क’ बाट प्रदेशसभा सदस्यमा निर्वाचित केसी लुम्बिनीको दोस्रो मुख्यमन्त्री बन्नु भएको हो ।

प्रदेश प्रमुख अमिक शेरचनले माओवादी केन्द्रका संसदीय दलका नेता केसीलाई नेपालको संविधानको धारा १८८ को उपधारा २ बमोजिम मुख्यमन्त्री नियुक्त गर्नु भएको हो ।

उहाँले अहिले केही वेरमा पद तथा गोपनियताको सपथ ग्रहण गर्दै हुनुहुन्छ ।

बुधबार मुख्मन्त्री शंकर पोखरेलले राजिनामा दिएपछि प्रदेश प्रमुखले नयाँ सरकार गठनका लागि दाबी पेश गर्न विहिवार ३ बजेसम्मको समयसीमा दिनु भएको थियो ।

जस अनुसार, केसीले नेपाली कांग्रेस, जनता समाजवादी पार्टी, राष्ट्रिय जनमोर्चा र एक जना सूर्य चिन्ह लिएर चुनाव लडेका सांसद सहित ४२ जनाको समर्थनमा मुख्यमन्त्रीमा दाबी गरेका थिए ।

अपरान्ह ४ बजे प्रदेश प्रमुखको कार्यालयमा शपथग्रहण कार्यक्रम आयोजना हुने प्रदेश प्रमुखको कार्यालयले जनाएको छ ।