२४ घण्टामा थपिए १९४७ संक्रमित

-- नेपाली टाईम्स अष्ट्रेलिया ?>

काठमाडौं– पछिल्लो २४ घण्टामा नेपालमा एक हजार ९ सय ४७ जनामा कोरोना भाइरसको सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा देशभरका प्रयोगशालामा आठ हजार ६६७ जनामा गरिएको आरटी पीसीआर परीक्षणमा उक्त सङ्ख्यामा सङ्क्रमण पुष्टि भएको हो ।

त्यस्तै, चार हजार ९०६ जनामा गरिएको एन्टिजेन परीक्षणमा ६७७ जनामा सङ्क्रमण पुष्टि भएको छ ।

पछिल्लो २४ घण्टामा एक हजार ३२० जना कोरोना सङ्क्रमित निको भएका छन् भने सङ्क्रमणका कारण २० जनाको मृत्यु भएको छ ।

योसँगै दश हजार २५९ जनाको मृत्यु भइसकेको छ ।

अहिलेसम्म ९३.२ प्रतिशत सङ्क्रमणमुक्त भएका छन् ।

पछिल्लो २४ घण्टामा ९४ हजार ७८९ जनाले कोरोनाविरुद्धको खोप लगाएका छन् ।

नेपालमा अहिले ३९ हजार ४०५ जना सक्रिय सङ्क्रमित छन्, जसमा ७६० जना सघन कक्षमा र १८६ जना भेन्टिलेटरमा रहेर उपचार गराइरहनु भएको छ ।

त्यस्तै ३६ हजार दुई जना होम हाइसोलेशनमा, ३४ सय तीन जना संस्थागत आइसोलेशनमा र ४११ जना क्वारेन्टाइनमा रहेको स्वास्थ्य मन्त्रालयले जनाएको छ ।