८०८८ जनाको परीक्षण, १७९३ मा संक्रमण पुष्टि

-- नेपाली टाईम्स अष्ट्रेलिया ?>

काठमाडौं– नेपालमा पछिल्लो २४ घण्टामा १७ सय ९३ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयले अद्यावधिक गरेको तथ्यांक अनुसार यो अवधिमा ८ हजार ८८ जनाको पीसीआर परीक्षण गरिएको थियो ।

यसैगरी यो अवधिमा ४ हजार १८ जनाको एन्टिजेन परीक्षण गर्दा ४ सय १९ जनामा संक्रमण पुष्टि भएको छ ।

पछिल्लो २४ घण्टामा १८ सय ६७ जना संक्रमणमुक्त भएका छन् भने यो अवधिमा ३३ जना संक्रमितको दुखद निधन भएको छ ।

यस्तै, यो अवधिमा ७० हजार ७ सय ७० जनालाई कोरोनाविरुद्धको खोप लगाइएको छ ।
नेपालमा हाल सक्रिय संक्रमितहरुको संख्या ३९ हजार २ सय ९८ पुगेको छ ।