यम र प्रविशाको ‘अझ वर वर आउ’ मा जोर्डन र बेनिशा

-- नेपाली टाईम्स अष्ट्रेलिया ?>

काठमाडौं– लोकप्रिय गायक यम बराल आफ्नो बिल्कुलै नयाँ गीतमार्फत दर्शक तथा श्रोतामाझ आएका छन् ।

गायक बरालद्वारा गायिका प्रविशा अधिकारीसँग युगल गायन गरिएको ‘अझ वर वर आउ’ शीर्षकको रोमान्टिक गीत सोमबार साँझ ओएसआर डिजिटलको यूट्यूब च्यानलबाट सार्वजनिक भएको हो ।

उक्त गीतलाई गायक यम बरालले नै संगीतबद्ध गरेका हुन् भने शब्दहरु उज्वलराज भट्टराईले रचना गरेका हुन् ।

बलराम समाल उक्त गीतका संगीत संयोजक हुन् ।

विक्रम कार्कीले गीतलाई मिक्सिङ तथा मास्टरिङ गरेका छन् ।

सोनम पाख्रिनद्वारा निर्देशित उक्त गीतको म्युजिक भिडियोमा अभिनेत्री बेनिषा हमाल तथा मोडल जोडर्न राजभण्डारीले अभिनय गरेका छन् ।

भिडियोमा अभिनेत्री हमाल र मोडेल राजभण्डारीको जोडी आकर्षक देखिएको छ ।

सुरेन्द्र बसेलद्वारा कोरियोग्राफी गरिएको भिडियोलाई बुद्ध थापा तथा उनको टिमले छायांकन गरेको हो ।

विकास दाहाल यसका सम्पादक हुन् ।

भूमिका देवान राईले यो भिडियो निर्माण गरेकी हुन् ।