एमएमएका एक मात्र नेपाली खेलाडी रविन्द्रलाई सहयोग गर्न अपील
काठमाडौं– युवा पुस्तामाझ लोकप्रिय रहेको मिक्स मार्शल आर्ट (एमएमए) खेलका नेपालका एक मात्र अन्तर्राष्ट्रिय खेलाडी रबिन्द्र ढाँटले भारतमा आयोजना हुने अल्टिमेट फाइटिङ लीग (यूएफएल) मा नेपालको प्रतिनिधित्व गर्ने भएका छन् ।
यसअघि यही अक्टोबर २ का दिन भारतको हिमाञ्चल प्रदेशमा आयोजना हुने भनिएको ‘यूएफएल ब्याटल अफ वारियर्स’ अब केही सातापछि आयोजना हुने खेलाडी ढाँटले द नेपाली टाइम्स अष्ट्रेलियालाई बताएका छन् ।
भारतका द ग्रेट खलीले खेलाउने उक्त अन्तर्राष्ट्रिय प्रतियोगिता अब अक्टोबर १० अथवा १७ का दिन खेलाइने छ ।
उनी यतिबेला काठमाडौंको द पम्प जीममा लक एण्ड रोल टिमसँग प्रशिक्षण गरिरहेका छन् ।
यसैबीच, नेपालका यी खेलाडीलाई सहयोग गर्ने उदेश्यले गोफण्डमी डटकममा हेल्प रबिन्द्र फाइट फर नेपाल अभियान सञ्चालन गरिएको छ ।
तीन हजार डलर सहयोग राशी जुटाउने उदेश्यले सञ्चालन गरिएको उक्त अभियानमा हालसम्म ४ सय ९२ डलर संकलन भैसकेको छ ।
एक साताअघि सुमन रेग्मीले यो अभियानको थालनी गरेका हुन् ।
रबिन्द्रले उक्त अभियानलाई सम्बोधन गर्दै भारतका मोहन रञ्जनसंग प्रतिस्पर्धा गर्नका लागि आवश्यक पर्ने सामग्रीहरुका लागि सहयोगको अपील गरेका हुन् ।
बित्थड चिर गाउँपालिका, बझाङका स्थायी वासिन्दा २३ वर्षीय रबिन्द्र हाल कीर्तिपुर, काठमाडौंमा बसोबास गर्छन् ।
रबिन्द्रले यसअघि भारतमै सन् २०१८ तथा २०१९ मा आयोजना भएका प्रतियोगितामा नेशनल अवार्ड जितिसकेका छन् ।
६१ केजी तौल भएका रबिन्द्र नेपाली एमएमए फाइटरको रुपमा लोकप्रिय छन् ।
उनले सन् २०१८ मा दिल्ली एम्याचर एमएमएमा गोल्ट मेडल जितिसकेका छन् भने सने २०१९ मा मुम्बईमा आयोजित बडी पावर नेशनल च्याम्पियनशिप मुम्बई एम्याचर एमएमएमा पनि गोल्ड मेडल जितिसकेका छन् ।
त्यस्तै सन् २०१९ मै बैंग्लोर ओपन एमएमए च्याम्पियनशिपमा पनि उनले गोल्ड मेटल तथा बेस्ट फायटरको उपाधि जितिसकेका छन् ।
यसबाहेक २०१९ मै उनले एफओके च्याम्पियनशिप मध्यप्रदेश एम्याचुर एमएमएमा विजयी भएका छन् भने सन् २०१९ तथा २०२० मा यूएफएल च्याम्पियनशिप जितिसकेका छन् ।
उनले हालसम्म एम्याचर एमएमएतर्फ १५ वटा खेल खेलेकोमा सबैमा जित हासिल गरेका छन् भन् दुई वटा प्रो एमएमए खेलेर दुबैमा जीत हासिल गरेका छन् ।
रबिन्द्रलाई सहयोग गर्न यो लिंकमा जानु होला
काठमाडौं– वेस्ट इन्डिजले नेपाल टूरमा आउने ए टिमको छनौट गरेको छ ।...
काठमाडौं– चैत शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘राम...
काठमाडौं– जन्मिएदेखि नै आँखाको दृष्टि गुमाएका गगन आले यतिबेला गायकको रुपमा दर्शक...
काठमाडौं– वेस्ट इन्डिजले नेपाल टूरमा आउने ए टिमको छनौट गरेको छ ।...
नेपालको ‘तेमाल’ क्षेत्र राजधानी काठमाडौँबाट झन्डै ७५ किमि टाढा काभ्रे जिल्लामा पर्दछ...
काठमाडौं– चैत शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘राम...
काठमाडौं– जन्मिएदेखि नै आँखाको दृष्टि गुमाएका गगन आले यतिबेला गायकको रुपमा दर्शक...