प्रतिक्षा भइन् मिस नेपाल युएस २०२१

-- नेपाली टाईम्स अष्ट्रेलिया ?>

काठमाडौं– ‘मिस नेपाल युएस– २०२१’ को उपाधि प्रतिक्षा शुक्लाले जितेकी छन् ।

शनिबार अमेरिकाको न्यूयोर्कमा आयोजित प्रतियोगिताको अन्तिम स्पर्धामा उनी विजयी भएकी हुन् ।

प्रतियोगितामा १० जना युवतीहरुले भाग लिएका थिए ।

प्रतियोगितामा फष्ट रनर्सअपको उपाधि कला न्यौपानेले तथा सेकेण्ड रनर्स अपको उपाधि अलिशा लिम्बुले जितिन् ।

‘मिस नेपाल युएस’ को यो १० औं संस्करणमा अमेरिकाको विभिन्न राज्यबाट प्रतियोगी सहभागी भएका थिए ।

प्रतियोगीताको शिर्ष दश स्थानमा अपेक्षा सिंह गुरुङ परियार, कला न्यौपाने, प्रतिक्षा शुक्ला, प्रतिशा प्रधान, प्रितिजा जैसी, रीया श्रेष्ठ, सुनिता अधिकारी, सान्यमिता श्रेष्ठ , सोन्याषा थापा तथा अलिशा लिम्बु पुगेका रहेका थिए ।

यो प्रतियोगिता सनु २०११ मा इप्लानेटको सहकार्यमा न्यूयोर्क शहरबाट अमित शाहले प्रारम्भ गरेका थिए ।

पहिलो मिस नेपाल युएसको उपाधि सुजिता बस्नेतले जितेकी थिइन् ।