कार्य समितिका अन्य पदाधिकारीहरु उपाध्यक्ष यज्ञ अधिकारी, महासचिब हरि अधिकारी, सचिब पुरुषोतम अधिकारी, कोषाध्यक्ष सनिता त्रिपाठी, प्रबक्ता बिनोद उप्रेती, वुमन कोअर्डिनेटर गीता लम्साल ओझा, युवा संयोजक रबिन्सन अधिकारी, सदस्यहरुमा सुमन परियार (एनएसडब्लु) करुणा अधिकारी ( तस्मेनिया ) सुस्मा छत्कुली (भिक्टोरिया), ज्योति स्मिखडा (भिक्टोरिया), अनुप जंग बानिया (एनएसडब्लु), बिदुर अधिकारी ( एनएसडब्लु ) चयन हुनु भएको छ।  यसै गरि साधारण सभाले बिभिन्न स्टेटका लागि स्टेट संयोजक पनि चयन गरेको छ । जसमा एनएसडब्लु संयोजक शम्भु भण्डारी, एसीटि संयोजक राम चन्द्र उप्रेती, तस्मेनिया संयोजक उत्तम अधिकारी, भिक्टोरिया संयोजक बिनोद पौडेल, नर्दन टेइरिटोरि संयोजक नबिन भण्डारी, साउथ अष्ट्रेलिया संयोजक जीवन भण्डारी, पर्थ संयोजक दया राम थापा मगर र कुइन्सल्याण्ड संयोजक शम्भु सिम्खडा हुनुहुन्छ । संस्थाले पब्लिक अफिसरको जिम्मेवारी पछि चयन गरेको गरिने जनाएको छ। यसै गरि संस्थाको सल्लाहाकारहरु मा संस्थाका संस्थापक अध्यक्ष किरण अधिकारी र निबर्तमान अध्यक्ष सबिन थपलिया बिधानत चयन हुनु भएको छ भने अन्य सल्लाहाकारहरु संस्थाले पछि चयन गर्ने पनि गर्ने जनाइएको छ।

कोभिड-१९ का कारण जुम मार्फत सम्पन्न उक्त कार्यक्रममा अन्तराष्ट्रिय धादिङ्ग समाजका प्रतिनिधि लागएत अष्ट्रेलियाबाट एनआरएनए लागएत  बिभिन्न संघ संस्थाका प्रतिनिधिहरु, मिडियाकर्मीहरु, ठुलो संख्यामा धादिङ्गबासिहरु को उपस्थिति थियो । दुताबासका प्रतिनिधि यादब कोइरालाको प्रमुख आतिथ्यतामा सम्पन्न उक्त कार्यक्रममा एनएसडब्लुका लागि महाबाणिज्यदुत दिपक खड्का, साउथ अष्ट्रेलियाका बाणिज्यदुत दिपक धमला, समुदायकी अगुवा इन्द्र बन, एनआरएनएका केन्द्रीय उपाध्यक्ष मन केसी, एनआरएनए अष्ट्रेलियाका अध्यक्ष नन्द गुरुङ, उपाध्यक्ष एबं एनएसडब्लुका संयोजक देब गुरुङ, माहासचिब राजु बाबु अधिकारी, फ्रेन्ड्स अफ नेपाल अष्ट्रेलियन लिबरलका संयोजक श्री नापित  लागायत अतिथिको रुपमा उपस्थिति हुनु हुन्थ्यो ।  कार्यक्रममा उपस्थित अतिथि एबं बक्ताहरु ले धदिङ्ग समाजले बिगतमा गरेका कार्यहरुको सराहना गर्दै नयाँ कार्यसमितिलाई बधाई तथा कार्य सफलताको शुभकामना व्यक्त गरेका थिए ।

कार्यक्रमको समापन गर्दै नवनिर्बाचित अध्यक्ष अर्जुन केसीले संस्थाले आफुलाई यति ठुलो जिम्मेवारी दिएकोमा सबै अग्रज एबम समाजका सबैलाई धन्यवाद दिदै आउने कार्यकालमा सबै संग हातेमालो गर्दै संस्थालाई थप उचाइमा पुराउने, छरिएर रहेका सबै धादिङ्गका अभियन्ताहरु लाई जोड्दै नयाँ र उल्लेखिनिय कार्य गर्ने प्रतिबद्दता व्यक्त गरेका थिए ।  संस्थाका निबर्तमान अध्यक्ष सबिन थपलियाको अध्यक्षतामा सम्पन्न उक्त कार्यक्रको संचालन संस्थाको तर्फबाट राधिका बानियाँ र निरु त्रिपाठीले गरेका थिए ।