नेपालमा कोरोना संक्रमणमुक्त हुने दर ९६.७ प्रतिशत

-- नेपाली टाईम्स अष्ट्रेलिया ?>

काठमाडौं– पछिल्लो २४ घण्टामा नेपालमा कोरोना भाइरसका ७ सय १५ जना नयाँ संक्रमित थपिएका छन् । यो अवधिमा नौ हजार ४६६ वटा आरटीपीसीआर परीक्षण गरिएको थियो । यो अवधिमा एक हजार २२२ वटा एन्टीजेन परीक्षण गर्दा ४९ जनामा कोरोना संक्रमण देखिएको छ । स्वास्थ्य तथा जनसङ्ख्या मन्त्रालयले नेपालमा कोरोना संक्रमणमुक्त हुने दर ९६.७ प्रतिशत रहेको जनाएको छ ।

पछिल्लो २४ घण्टामा एक हजार ३३ जना कोरोनामुक्त भएको स्वास्थ्य मन्त्रालयले जनाएको छ । यसैगरी, पछिल्लो २४ घण्टामा १० जना संक्रमितको मृत्यु भएको छ । हालसम्म ११ हजार २१० जना संक्रमितले ज्यान गुमाएका छन् । अहिले सक्रिय संक्रमित हुने १५ हजार ६१४ जना छन् । पछिल्लो २४ घण्टामा ४३ हजार ९४१ जनाले कोरोनाविरूद्धको खोप लगाएका छन् ।