विप्लव नेकपाको नेपाल बन्द : यात्रुलाई सास्ती

-- नेपाली टाईम्स अष्ट्रेलिया ?>

(फाइल फोटो)
काठमाडौं– आज मंगलबार नेत्रविक्रम चन्द विप्लव नेतृत्वको नेपाल कम्युनिष्ट पार्टीले नेपाल बन्दको घोषणा गरेको छ ।

पेट्रोलियम पदार्थमा भएको मूल्यवृद्धि फिर्ताको माग गर्दै नेपाल बन्दको घोषणा गरिएको हो ।

नेपाल बन्दका कारण कारण बिहानैदेखि यात्रुले सास्ती पाएका छन् ।

काठमाडौं बाहिरबाट यात्रा गरेर आएका यात्रुले बिहानैदेखि दु:ख पाएका छन् ।

विभिन्न जिल्लाबाट काठमाडौं आइपुगेका यात्रु काठमाडौंका विभिन्न ठाउँमा अलपत्र परेका छन् ।

कलङ्की, नयाँ बसपार्क, बल्खु, कोटेश्वर लगायतका चोकमा झरेका यात्रुहरुले गन्तव्यमा जान सार्वजनिक गाडी कुरेर बसे पनि पाउन सकेका छैनन् ।

काठमाडौं बाहिर जानुपर्ने यात्रुहरु पनि अलपत्र परेका छन् ।

बाहिरी जिल्लाबाट हिजो छुटेका गाडी बिहानै काठमाडौं आइपुगे पनि काठमाडांबाट बाहिर जाने गाडी अत्यन्त न्यून छन् ।

बन्दको प्रभाव कम गर्न प्रहरी परिचालन गरिएको छ ।

बहरमा प्रहरीको उपस्थिति बाक्लो छ ।

सडकमा सार्वजनिक गाडीको सङ्ख्या कम भए पनि निजी गाडी भने सामान्य रुपमा चलिरहेका छन् ।