गुल्मी समाज अष्टेलियाको साधारण सभा सम्पन्न 

कमला बस्नेतको अध्यक्षतामा नयाँ कार्यसमिति गठन 
-- नेपाली टाईम्स अष्ट्रेलिया / प्रकाशित मिति : आइतवार, पुस ४, २०७८
नेपालको गुल्मी जिल्लाबाट अष्ट्रेलिया आइ विभिन्न पेशा, अध्यान र ब्यबसायमा  रमेका गुल्मीबासीहरू को साझ संस्था गुल्मी समाज अष्टेलियाको १९ डिसेम्बरका दिन सिड्नीको टेम्पी पार्कमा साधारण सभा सम्पन्न भएको छ । निबर्तमान अध्यक्ष  श्याम केसीको अध्यक्षतामा सम्पन्न उक्त सधारण सभाले आगामी कार्यकालका लागि कमला बस्नेतलाई सर्बसम्मत अध्यक्षमा चयन गरेको छ । यसै गरी साधारण सभाले उपाध्यक्षमा चतुर्भुज खरेल र रमेश मरासिनि, सचिबमा युबराज भण्डारी, कोषाध्यक्षमा बसन्त खरेललाइ चयन गरेको छ । संस्थाका कार्यकारी सदस्यहरु मा बिष्णु घिमिरे, कृष्ण खरेल, सन्जना ज्ञवाली, कमल जिसी, अन्जु घिमिरे, प्रेम सापकोटा र प्रकाश खरेल लाई चयन गरेको छ । सहसचिवको पद अहिलेलाई खालि रखिएको र पहिलो मिटिंगबाट मनोनित गरिने पनि नवनिर्बाचित सचिब युबराज भण्डारीले जानकारी दिए।
साधारण सभा पछि सम्पन्न घोषणा सभा एबम भेटघाट समारोहमा सिड्नीमा रहेका गुल्मेलीहरु, गुल्मी संग भावनात्मक सम्बन्ध भएकाहरु र नेपाली समुदायका सदस्यहरुको उपस्थिति थियो । पदभार ग्रहण संगै नवनिर्बाचित अध्यक्ष कमला बस्नेतले आफुलाई संस्थाका अग्रज र सदस्यहरु ले यति ठुलो जिम्मेवारीमा योग्य सम्झेकोमा सबैलाई धन्यवाद व्यक्त गरिन । द नेपाली टाईम्स अष्ट्रेलिया संगको कुराकानीमा बस्नेतले हिजो गुल्मी समाजले गरेका कार्यहरु लाई निरन्तरता दिदै  जिल्लाका बिभिन्न निकायहरु संग समन्वय गर्दै थप परोपकारी कार्यक्रमहरु गर्ने बताइन । गुल्मी जिल्लाका गाउँ ठाउँमा आजै साना समस्याहरु का कारण अप्रिय घटना घटेका समाचारहरु आइरहेका हुन्छन् हाम्रो सानो प्रयासले त्यहाँ केहि गर्न सकिन्छ भने हामी अगाडी बढ्नु पर्छ, थोरै मन फुकाउनु पर्छ बस्नेतले भनिन् । यसै गरि अष्ट्रेलिया रहेका बिभिन्न संघ संस्थाहरु संग समन्वय गर्दै नेपाली समुदायलाई आबश्यक पर्दा सबै संग हातेमालो गर्दै गुल्मी समाज अगाडी बढ्ने पनि उनले बताईन्।
नब निर्बाचित कार्यसमितिलाई संस्थाका पुर्ब भिम खरेल र  निबर्तमान अध्यक्ष श्याम केसीले पद तथा गोपिनियताको सपथ ग्रहण गराएका थिए।