नेपालमा सक्रिय संक्रमितको संख्या ४ हजार ९ सय ६

-- नेपाली टाईम्स अष्ट्रेलिया ?>

काठमाडौं– पछिल्लो २४ घण्टामा नेपालमा २ सय १३ जनामा कोरोना भाइरसको संक्रमण पुष्टि भएको छ ।
यो अवधिमा ७ हजार १ सय ८० जनाको पीसीआर गरिएको थियो । त्यस्तै, पछिल्लो २४ घण्टामा २४ सय ९७ जनाको एन्टीजेन परीक्षण गर्दा ६ जनामा संक्रमण पुष्टि भएको छ ।

यो अवधिमा २ सय ८३ जना संक्रमणमुक्त भएका छन् । पछिल्लो २४ घण्टामा दुई जना संक्रमितको दुखद निधन भएको स्वास्थ्य तथा जनसंख्या मन्त्रालयले जनाएको छ । हाल नेपालमा सक्रिय संक्रमितको संख्या ४ हजार ९ सय ६ छ । त्यस्तै पछिल्लो २४ घण्टामा नेपालमा ७६ हजार ३ सय ३० जनाले कोरोना भाइरसविरुद्धको खोप लगाएका छन् ।