बाल गायिका आरुशीको ‘सानो–सानो पाइला’ सार्वजनिक

-- नेपाली टाईम्स अष्ट्रेलिया / प्रकाशित मिति : सोमवार, जेष्ठ ३०, २०७९

सिड्नी । बाल गायिका आरुशी पोख्रेलले आफ्नो पहिलो औपचारिक गीत ‘सानो–सानो पाइला’ सार्वजनिक गरेकी छन् । अष्ट्रेलियाको सिड्नीमा बस्दै आएकी ९ बर्षीय आरुशीले गीतसँगै म्यूजिक भिडियो पनि सार्वजनिक गरेकी हुन्। आफ्ना पिता गायक ईश्वर पोख्रेल संगै विभिन्न कार्यक्रममा स्टेज प्रस्तुती दिदै आएकी आरुशीले नेपाली कला, सँस्कृति, पराम्परालाई बालमनोविज्ञानसँग जोडेर गीत तयार पारेकी हुन् ।

गीतमा पिता गायक ईश्वर पोख्रेलले पनि साथ दिएका छन् । सुरेश सेन्चुरीको शष्द र संगीत रहेको गीतको भिडियो सम्पादन सिड्नीकै निर्देशक राजीब भुसालले गरेका छन् । ईश्वर पोख्रेलको आधिकारिक यूटुब च्यानलबाट सार्वजनिक म्युजिक भिडियोमा आरुशीले नेपाली कला सँस्कृति झल्किने पहिरनमा अभिनय पनि गरेकी छन् । आरुशीका पिता ईश्वर पोख्रेलले प्रवास रहेपनि नेपाली गीतसँगीतलाई निरन्तर योगदान दिदै आएका छन् । उनले ‘काली मोरी’ रातो रिवन’ कति बज्यो’ लगायत ३ दर्जन बढी गीत सार्वजनिक गरिसकेका छन् ।