सिड्नी । बुधबार दिउँसो मेलर्वनस्थित आफ्नै कोठामा मृत अवस्थामा फेला परेका समिर कोइरालाको शब नेपाल पठाउन आर्थिक अभियान सुरु गरिएको छ । शब नेपाल पठाउन निकै धेरै रकम लाग्नेभएपछि परिवारजनको आग्रहमा कोइरालाका साथीभाई, आफन्तजन र एनआरएन अष्ट्रेलियाले संयुक्त रुपमा आर्थिक संकलन सुरु गरेका हुन् ।६ महिना अघि मात्रै नेपालबाट आएका कोइराला घरमा मृत अवस्थामा भेटिएपछि उनका परिवारजन समस्यामा परेका छन् । उनको मृत्युको कारण भने खुलेको छैन् । चितवन घर भएका कोइराला कुकरी पढ्नका लागि अष्ट्रेलिया आएका थिए ।

कोइराला केहि समय देखि मानसिक तनाबमा देखिएको कोइरालासँगै बस्ने आफन्त मनिष ढकालले जानकारी दिएका छन् । गोफन्ड डटकम मार्फत सञ्चालित अभियानमा स्वतस्फूर्त रुपमा सहयोग आउने क्रमा बढेको छ । कम्तिमा १५ हजार अष्टे«लियन डलर सहयोग जुटाउने अभियानकर्ताहरुले जनाएका छन् । यसैबीच, समिर कार्यरत मेलर्वनस्थित ओहे क्याफेले समेत शनिबार कफी बिक्रीबाट सहयोग गर्ने जनाएको छ । समिरको निधनको कारण बारे भिक्टोरिया प्रहरीले अनुसन्धान गरिरहेको जनाएको छ ।