अस्ट्रेलियामा ‘बद्री बहादुर’ को प्रिमियर

-- नेपाली टाईम्स अष्ट्रेलिया ?>

सिड्नी– शोभित बस्नेतद्वारा निर्देशित नयाँ नेपाली फिल्म ‘बद्री बहादुर’ को शनिबार अस्ट्रेलियामा प्रिमियर गरिएको छ । फिल्मको नेपाल प्रदर्शनअघि विदेशबाट प्रदर्शनको सुरुवात गरेको निर्देशक बस्नेतले बताएका छन् । फिल्मलाई अस्ट्रेलिया शोबाट सुखद प्रतिक्रिया मिलेको निर्देशक बस्नेतको भनाइ छ । बद्री बहादुरलाई मिलेको दर्शक प्रतिक्रियाबाट निर्देशक बस्नेत खुशी छन् । फिल्मको सिड्नी रिलिजको चाँजोपाँजो मेगा इभेन्ट र रुक्सल प्रजापतिले मिलाएका हुन् । अस्टे«लियाका विभिन्न तीन शहरमा यो फिल्म प्रदर्शन गरिनेछ ।

सञ्चारकर्मी रबि अधिकारी कार्यकारी निर्माता रहेको यो फिल्म एबि पिक्चर्स फर्म तथा सलोन–सलिना ब्यानरमा निर्माण भएको हो । विजय गोपाल दली प्रस्तुतकर्ता रहेको यो फिल्मका निर्माता मिथुन भोटे हुन् ।
यो फिल्ममा पूजा शर्मा र सलोन बस्नेत विशेष भूमिकामा छन् भने जय किसन बस्नेत, छुल्ठिम गुरुङ, राजिब जंग बस्नेत, धिरेन शाक्य, एलिना गुरुङ र वर्षा चौलागाईंले फिल्ममा मुख्य भूमिका निर्वाह गरेका छन् ।