नेपाललाई टी-ट्वान्टी अन्तर्राष्ट्रिय क्रिकेट शृंखला

-- नेपाली टाईम्स अष्ट्रेलिया ?>

काठमाडौं– अन्ततः नेपालले आफ्नो अन्तिम तथा निर्णायक खेलमा केन्यालाई ३१ रनले हराउँदै पाँच टी–२० अन्तर्राष्ट्रिय क्रिकेट श्रृंखला ३–२ ले जितेको छ । कप्तान सन्दीप लामिछानेको नेतृत्वमा अफ्रिकी भूमिमा नेपालले पहिलोपटक टी–२० श्रृंखला जितेको हो । यसअघि भएका चार खेलमा नेपाल र केन्याले समान दुई–दुई खेल जितेका थिए । केन्याको राजधानी नैरोबीमा मंगलबार भएको खेलमा नेपालले पहिले व्याटिङ गर्दै ७ विकेट गुमाएर १७५ रन बनाएको थियो ।

नेपालका लागि ज्ञानेन्द्र मल्लले ५९ रन तथा रोहित पौडेलले ४७ रनको योगदान दिए । अनुभवी खेलाडी मल्लले ३ वर्षपछि अन्तर्राष्ट्रिय टी–२० क्रिकेट प्रतियोगितामा अर्धशतक प्रहार गरेका थिए । नेपालका लागि अर्जुन साउदले २९ र दीपेन्द्रसिंह ऐरीले २२ रन बनाए । एक सय ७६ रनको लक्ष्य लिएर मैदानमा उत्रिएको घरेलु टोली केन्या ७ विकेट गुमाएर एक सय ४४ रनमा समेटियो । नेपालका बलरहरुको बलिङ उत्कृष्ट रह्यो । कप्तान सन्दीप लामिछाने र बसिर अहमदले समान २–२ विकेट लिए । करण केसी, मोहमद आदिल अलाम र दीपेन्द्रसिंह ऐरीको नाममा एक–एक विकेट रह्यो ।