अष्ट्रेलिया भरि छरिएर बिभिन्न यहाँका स्थानिय र नेपालका मिडियामा आबद्द भइ काम गर्दै आइरहेका मिडियाकर्मी लाई एकै छातामा गोलबन्द गर्ने उदेश्यले गठन भएको  अस्ट्रेलियन नेप्लिज जर्नलिस्ट एसोसियसनको (ANJA ) दोश्रो अधिबेशन नोभेम्बर ४ र ५ का दिन अष्ट्रेलियाको तस्मेनियाको होबार्टमा सम्पन्न भएको छ । अधिबेशनले अष्ट्रेलिया भरि रहेका र संस्थाको सदस्य बनेका पत्रकारहरु को बिचबाट चिरञ्जीवीराज देवकोटाको अध्यक्षतामा १२ सदस्यीय सर्बसम्मत नयाँ कार्य समिति चयन गरेको छ।

कार्य समितिका अन्य पदाधिकारीहरु मा तिन उपाध्यक्ष कृष्ण तिवारी, प्रकाश हुमागाईं, छत्र शंकर, महासचिवमा नारायण खड्का, सचिवमा सरल गुरुङ, कोषाध्यक्षमा खगेन्द्र सत्याल, सदस्यहरु मा प्रतीक सिग्देल, पब्लिक अफिसरमा गणेश भट्ट र प्रवक्तामा तकदिर अधिकारी चयन भएका छन्। सदस्यका अरु दुइ पद भने बाँकि पुरा गर्ने गरि आहिलेलाई रिक्त रखिएको पनि संस्थाले जनाएको छ।

दुइ दिन सम्म चलेको उक्त दोश्रो अधिबेशन अष्ट्रेलियाका लागि नेपाली राजदुत मा. कैलाश राज पोखरेलको प्रमुख अतिथ्यतामा सम्पन्न भएको थियो भने कार्यक्रममा अष्ट्रेलियन सरकारको तर्फबाट मन्त्रि एलिस अर्चर  तास्मेनिया (MP), जोश विल्लेस (MLC) डिन योङ्ग (MP) र समन्था सत्यनेर(मिडियाकर्मी) ले अतिथिको रुपमा सहभागीता जनाउनु भएको थियो।

अधिबेशनले तीन बुँदे होबार्ट घोषणापत्र जारी समेत गरेको छ।
१. पत्रकारिता समाजको अभिन्न अंग हो । व्यवसायिक पत्रकारिताले समाज निमार्णमा महत्वपूर्ण भूमिका खेल्दछ । अष्ट्रेलियामा नेपाली भाषाको पत्रकारितालाई थप व्यवसायिक, निष्पक्ष र तथ्यपरक बनाउनका लागि हामी अष्ट्रेलियन प्रेस काउन्सिलले निर्धारण गरेको आचारसंहिता र यहाँको कानूनी सिमाहरुलाई अक्षरस पालना गर्न कटिबद्ध छौं । पत्रकारिता समाजभन्दा बाहिर रहन सक्दैन भन्ने तथ्यलाई आत्मसाथ गर्दै असल, सूसुचित र एकताबद्ध समाज निर्माणमा योगदान दिन हामी व्यवसायिक पत्रकारितालाई जोड दिनेछौं ।
२. विदेशमा पनि नेपालीहरुका विभिन्न संघसंस्थाहरु सक्रिय छन् र त्यस्ता संगठनहरुको स्वतन्त्रता प्रति उत्तिकै सम्मान छ । पत्रकारितालाई व्यवसायिक बनाउने पाटोबाट हेर्दा, हामीले तयार पार्ने समाचारिय सामाग्रीहरु कुनै पनि राजनैतिक दल, क्षेत्र, वर्ग, जाती, धर्म, वर्ण र लिंगबाट निर्दिष्ट नभई, सिंगो नेपाल र नेपालीपनलाई उकास्नका लागि केन्द्रित रहनेछ । उल्लेखित विशेषताका आधारमा हामी हाम्रो पत्रकारितालाई प्रभावमुक्त राख्ने समेत प्रतिवद्धता गर्न चाहान्छौ ।
३. पत्रकारिता भनेको नियमित घटनाक्रमको जिम्मेववार अभिव्यक्ति हो । समाज विकासको तिब्रतासंगै पत्रकारितामा समेत प्राविधिक र दक्षताको खाचो टड्कारो बन्ने गरेको छ । समयको रफ्तारसंगै प्राविधिक र बद्लिदो समाजको भावना अनुसार दक्षता वृद्धी गर्न नसके, पत्रकारिताले समाजका आवश्यकताहरु पुरा गर्न सक्दैन । त्यसैले अष्ट्रेलियामा सक्रिय नेपाली पत्रकारहरुलाई समयअनुकुल दक्षता वृद्धी गर्न राज्यदेखि केन्द्रसम्मै विभिन्न प्रशिक्षण र कार्यशालाहरु गरिने समेत प्रतिबद्धता गर्न चाहान्छौं । जसका लागि राज्यदेखि संघीय तहसम्म रहेका सरकारी र गैरसरकारी संघसंस्थासंग सहकार्य गरि आवश्यक प्रशिक्षणहरुको व्यवस्था गर्नेछौं । समाजको अपेक्षा पुरा गर्न समेत हामी सामाजिक व्यक्ति र संघसंस्थासंग समेत छलफल र अन्तरक्रिया गर्नेछौं ।