काठमाडौं- नेपालले यूएईलाई तीन विकेटले पराजित गरेको छ । कीर्तिपुर स्थित त्रिवि क्रिकेट मैदानमा भखर्रै सम्पन्न खेलमा नेपालले १३ बलअघि नै विजयी लक्ष्य भेट्टाएको हो । यूएईले दिएको १९२ रनको लक्ष्य नेपालले ४७.५ ओभरमा पुरा गरेको हो ।

नेपाललाई विजयी गराउने क्रममा गुल्शन झाले सार्वधिक ३७ रनको योगदान दिए । उनीबाहेक कुशल भुर्तेलले ३५ रन, आरिफ शेखले ३३ रन, सोमपाल कामीले १९ रन, ज्ञानेन्द्र मल्लले २६ रन, दिपेन्द्र सिंह ऐरीले १४ रनको योगदान दिए । योसंगै तीन खेलको यो श्रृंखला १–१ को बराबरी भएको छ । अब तेस्रो तथा अन्तिम खेल जित्ने टोलीले श्रृंखलामाथि कब्जा जमाउने छ ।

त्यसअघि, त्यसअघि, नेपालका बलरहरुले उत्कृष्ट बलिङ गर्दा यूएईको टीम १९१ रनमा अल आउट भएको थियो । आजको खेलमा यूएईले टस जितेर पहिला ब्याटिङ गर्ने निर्णय गरेको थियो । तीन खेलको एकदिवसीय अन्तर्राष्ट्रिय क्रिकेट शृंखला अन्तर्गतको दोस्रो खेलमा नेपालका सोमपाल कामी तथा ललित राजवंशीले समान तीन–तीन विकेट लिएका थिए । यूएईको टीमले ४३.२ ओभरमा अलआउट हुँदै १ सय ९१ रनको योगफल तयार गर्‍यो ।

आजको खेलमा करण केसी, गुलसन झा, दीपेन्द्रसिंह ऐरी र कुशल भुर्तेलले समान १–१ विकेट लिए ।
यूएईका लागि ओपनर मोहमद वासिमले सर्वाधिक ५० रनको योगदान गरे । वासिमबाहेक आलिसन शराफु ३५ रन बनाए भने वृत्य अरविन्दले २५ रन जोडे । बासिल हमेद २४ रनमा आउट हुँदा कप्तान चुुन्दाङपोयल रिजवानले २२ रनको योगदान गरे । भिस्नु सुकुम्रन १५ रन जोडेर पभेलियन फकँदा अन्य ब्याटरले दोहोरो अंकमा रन बनाउन सकेनन् । पहिलो खेलमा नेपाल यूएईसँग ८४ रनले पराजित भएको थियो । नेपाललाई यो श्रृंखलामा कायम रहनका लागि आजको खेल जित्नै पर्ने दवाव थियो ।