गृहमन्त्री लामिछानेको सांसद पद यथावत रहने

-- नेपाली टाईम्स अष्ट्रेलिया ?>

काठमाडौं– उपप्रधानमन्त्री तथा गृहमन्त्री रवि लामिछानेको नागरिकता प्रकरणमा सर्बोच्च अदालतले अन्तरिम आदेश दिन अश्वीकार गरेको छ । योसंगै अदालतले लामिछानेको सांसद पद यथावत रहने आदेश दिएको छ । कामू प्रधानन्यायाधीश हरिकृष्ण कार्की सहित न्यायाधीशहरु ईश्वरप्रसाद खतिवडा, डा. आनन्दमोहन भट्टराई, अनिलकुमार सिन्हा र प्रकाशमानसिंह राउतको संवैधानिक इजलासले लामिछानेको नागरिकताको विषयमा परेको रिट निवेदनमा अन्तरिम आदेश दिन अस्वीकार गरेको हो ।

सर्वोच्च अदालतको यो आदेशसँगै लामिछाने विरुद्धको मुद्दा सर्वोच्च अदालतमा विचाराधीन भए पनि तत्कालका लागि उनको सांसद पद यथावत रहने भएको हो । यसका साथै उनको उपप्रधान र गृहमन्त्री पद समेत कायम रहने छ । अमेरिकी नागरिकता लिएका लामिछानेले उताको नागरिकता त्यागे पनि पुनः नेपाली नागरिकता नलिएकाले उनको नागरिकता कायम नरहेको दावीसहित सर्वोच्च अदालतमा रिट निवेदन परेको थियो ।