प्रहरी महानिरीक्षकमा वसन्त कुँवर नियुक्त

-- नेपाली टाईम्स अष्ट्रेलिया ?>

(नवनियुक्त आईजीपी वसन्तबहादुर कुँवरलाई बधाई दिँदै प्रधानमन्त्री पुष्पकमल दाहाल ‘प्रचण्ड’।)

काठमाडौं– नेपाल प्रहरीको महानिरीक्षकमा वसन्तबहादुर कुँवर नियुक्त भएका छन् । शुक्रबार बसेको मन्त्रिपरिषद् बैठकले प्रहरी अतिरिक्त महानिरीक्षक (एआईजी) कुँवरलाई प्रहरी महानिरीक्षक (आईजीपी) मा बढुवा गरेको प्रधानमन्त्रीका प्रेस संयोजक सूर्यकिरण शर्माले जानकारी दिएका छन् ।

कुँवर नेपाल प्रहरीको ३० औँ प्रहरी महानिरीक्षक (आईजीपी) बनेका हुन् । कुँवरले आइतबारदेखि कार्यभार सम्हाल्ने छन् । ३० वर्षे सेवा अवधिका कारण शुक्रबार राति १२ बजेदेखि प्रहरी महानिरीक्षक धिरजप्रताप सिंहले अवकास पाउँदैछन् । उनी अवकास हुन लाग्दा सरकारले नयाँ आईजीपी नियुक्त गरेको हो ।