सन्तोष शाह अष्ट्रेलिया आउदै

-- नेपाली टाईम्स अष्ट्रेलिया / प्रकाशित मिति : बिहिबार, चैत्र २३, २०७९

नेपाली खानालाई बिश्व मंचमा चिनाउदै बिबिसी वर्ल्ड मास्टर सेफ २०२१ जित्न सफल सन्तोष शाह अष्ट्रेलिया आउदै छन् । सन्तोष शाहको सिड्नीमा हुने पांच दिने कार्यक्रम बारे जानकारी दिने उदेश्यले हालै आयोजित पत्रकार भेटघाटमा अष्ट्रेलियन प्यासिफिक इन्टरनेशनल कलेज, नमस्ते रेस्टुरेन्ट र जब्स फोर अनलाइनले कार्यक्रमको बारे जानकारी दिएका थिए ।

कार्यक्रमको मुख्य आकर्षणको रुपमा आउदो मे २ देखि मे ६ सम्म  सन्तोष शाहको साथमा नेपाली खाना र संस्कृतिलाई मनाउनका लागि नमस्ते रेस्टुरेन्ट टाउन हलमा पप अप किचन कार्यक्रम रहेको छ । उक्त अबसरमा खानाका पारखीहरु ले शाह संगै रहेर खानाको जानकारी लिदै बिबिध खानाको मज्जा लिन पाउनेछन् । पत्रकार भेटघाटमा अष्ट्रेलियन प्यासिफिक इन्टरनेशनल कलेजको तर्फबाट गणेश के सी, नमस्ते रेस्टुरेन्टको तर्फबाट गम्भिर सापकोटा र ब्यबसायी डिला खरेलले कार्यक्रमको बारेमा सविस्तार जानकारी गराएका थिए।
सन्तोष शाहको पाक शिक्षा र अनुभब, उनले ग्लोबल डस्पोरामा गरेका बिभिन्न कार्यहरु लाई नजिकबाट सुन्न, जान्न र हाम्रो संस्कृतिको अभिन्न अंगको रुपमा रहेको खानपान बारेमा बिदेशी भुमिमा प्रचार प्रसार गर्न यो कार्यक्रम निक्कै फलदायी हुने पनि कार्यक्रममा जानकारी दिइएको थियो ।
मे २ देखि ५ को कार्यक्रम अलावा आयोजकले छुट्टै नेपाली फुड फेस्टिभलको समेत आयोजना गर्ने सोच बनाएको र उक्त कार्यक्रम मे १३ मा गर्ने तयारी हुदैछ । यस बारे आयोजकले  छिट्टै सविस्तार जानकारी गराइने पनि उक्त मिडिया ब्रिफिङ्गमा जानकारी गराइयो।
उक्त नमस्ते रेस्टुरेन्ट टाउन हलमा पप अप किचन कार्यक्रमलाई व्यवस्थित गराउन र व्यापक सहभागिता गराउन आयोजकले अनलाइन टेबल बुकिङ्ग पनि खुल्ला गरिसकेको छ । जसका लागि  https://apemc.com.au/# गाएर बुक गर्न सकिन्छ।
कर्य्र्कम बारे थप जानकारीहरु https://apemc.com.au/ अपडेट गर्दै जाने पनि आयोजकले जनाउदै सबै नेपाली दाजु-भाइ/दिदि-बैनीहरु लाई यो नितान्त नौलो र नेपाली खानाको लागि गरिएको एतिहासिक कार्यक्रममा सहभागी हुन हार्दिक अनुरोध गरेको छ।