पूर्वमन्त्री टोपबहादुर रायमाझी पक्राउ, राति नै परिसर ल्याइयो

-- नेपाली टाईम्स अष्ट्रेलिया ?>

काठमाडौं– नक्कली भुटानी शरणार्थी प्रकरणका आरोपी पूर्वमन्त्री एवं नेकपा एमालेका नेता टोप बहादुर रायमाझी आइतबार राति पक्राउ परेका छन् । शरणार्थी प्रकरणमा पक्राउ पूर्जी जारी भएपछि सम्पर्कविहीन रहेका पूर्वमन्त्री रायमाझीलाई काठमाडौंको बुढानिलकण्ठबाट पक्राउ गरिएको प्रहरीले जनाएको छ । केन्द्रीय अनुसन्धान ब्यूरोले बुढानिलकण्ठबाट नियन्त्रणमा लिएको हो ।

प्रहरी स्रोतका अनुसार केन्द्रिय अनुसन्धान व्यूरोबाट खटिएका सुरक्षाकर्मीहरुले उनलाई नियन्त्रणमा लिएका हुन् । उनलाई आइतबार राति नै महानगरिय प्रहरी परिसर, टेकु ल्याइएको स्रोतको भनाइ छ । यस प्रकरणमा पूर्व गृहमन्त्री एवम् नेपाली कांग्रेसका नेता बालकृष्ण खाणसहित १२ जनामाथि प्रहरीले हिरासतमा राखेर अनुसन्धान गरिरहेको छ । उनीहरुलाई जिल्ला अदालत उपस्थित गराइएको थियो ।