स्वर्गद्वारी मन्दिरको दर्शन गरेर फर्किएको जीप दुर्घटनामा परी ज्यान गुमाउनेको पहिचान

-- नेपाली टाईम्स अष्ट्रेलिया ?>

दाङ– स्वर्गद्वारी मन्दिरको दर्शन गरेर फर्किन लागेको जीप दुर्घटनामा परी ज्यान गुमाउनेको पहिचान खुलेको छ । लुम्बिनी प्रदेश प्रहरी प्रमुख डीआइजी उमेशराज जोशीका अनुसार दुर्घटनामा दाङको तुलसीपुर १५ कोठरीका एकै परिवारका ३५ वर्षीया सरीता शर्मा पोखरेल, उनका १४ वर्षीय छोरा विशाल पोखरेल तथा नौ वर्षीय छोरा विकाश पोखरेल रहेका छन् ।

त्यस्तै दाङको लमही नगरपालिका ७ गडुवाको एकै परिवारका ४० वर्षीय गोबिन्द शाह, उनकी श्रीमती ३० वर्षीया श्रीमती राधा नेपाली तथा उनीहरूका ९ वर्षीय छोरा आदित शाहको मृत्यु भएको हो । यस्तै, कार चालक दाङको लमहीका ताराबहादुर कुमालको यसअघि नै सनाखत भइसकेको छ । प्युठानको भिग्री नजिकै लु १ च ६३४५ नम्बरको स्कारपियो सोमबार दिउँसो भीरबाट खसेको थियो ।