राष्ट्रपति पौडेलको मुटुमा समस्या, गंगालाल हृदयरोग केन्द्रमा उपचार हुँदै

-- नेपाली टाईम्स अष्ट्रेलिया ?>

काठमाडा– राष्ट्रपति रामचन्द्र पौडेललाई अस्वस्थ भएका छन् । स्वास्थ्यमा समस्या आएपछि राष्ट्रपति पौडेलले पछिल्ला केही दिनदेखि सहिद गंगालाल हृदयरोग केन्द्रमा गएर परिक्षण गराइरहेका थिए । अस्पताल स्रोतका अनुसार राष्ट्रपतिको मुटुमा समस्या देखिएको छ । मुटुमा समस्या देखिएपछि उनलाई उपचारका लागि गंगालाल हृदय रोग केन्द्र, बाँसबारी लगिएको थियो ।

दुई दिनअघि पनि राष्ट्रपति पौडेल उपचारका लागि उक्त केन्द्र पुगेका थिए । मंगलवार थप जाँच गर्दा मायोकाड्रिएल इन्फ्राक्सन (हृदयघात) देखिएपछि एनजिओप्लाष्टि गरेर मुटुको भल्व खोलिएको स्रोतकोे भनाइ छ । अहिले पनि उनको केन्द्रमै उपचार जारी रहेको बताइएको छ । यसैबीच, राष्ट्रपति कार्यालय स्रोतले पनि पौडेलको मुटुमा समस्या पाइएपछि अहिले अब्जरबेशनमा राखेर उपचार भइरहेको पुष्टि गरेको छ ।

राष्ट्रपति पौडेललाई मंगलबार बिहान ७ बजे अस्पताल लगिएको उनको सचिवालयका एक सदस्यले जानकारी दिएका छन् । राष्ट्रपतिलाई केन्द्रको भीआईपी क्याबिन चिकित्सकको निगरानीमा राखेर उपचार जारी राखिएको बताइएको छ ।