ब्ल्याकटाउन नेपाली कम्युनिटीले यसपटकको “तिज नाइट” बृहत रुपमा मनाउने भएको छ । बिगतका बर्षहरुमा गरिएको तीज कार्यक्रमहरुमा यस क्षेत्र भित्र रहनुहुने नेपालीहरुको अपार सहभागिता रहेको थियो । नेपाली समुदायका परिवार संगै तिज मनाउने कार्यक्रमको अधिक लोकप्रियताका कारण बिगतमा टिकटको अधिक माग र कार्यक्रमस्थलको सिमित क्षमताको कारणले गर्दा चाहे जति परिवारका सदस्यहरुलाई कार्यक्रममा सहभागी गराउन सकिएको थिएन। यसलाई मध्यनजर गरि यस पटक तिज उत्सव मनाउनकालागि करिब दोब्बर क्षमता भएको हल बुक गरिएको छ ।

ब्ल्याकटाउन CBD को मुटुमै रहेको Bowman Hall यस पटका तिज महोत्ववको लागि बुक गरिएको छ । आधुनिक श्रब्य-दृश्य उपकरण जडित र सुबिधा सम्मपन्न Bowmen Hall को क्षमता करिब ५०० जना अट्ने छ । ट्रेन स्टेशनबाट ५ मिनेटको दुरीमा हिडेरै पुगिने यो कार्यक्रमस्थलको वरिपरी सुरक्षित र निशुल्क पार्किंङको व्यवस्था पनि छ ।

ब्ल्याकटाउन काउन्सिल,  जनसंख्याको हिसाबले न्यू साउथ वेल्स राज्यको सबैभन्दा ठुलो काउन्सिल हो । यहाँ बहुसांस्कृतिक समुदायको बाहुल्यता छ । ब्ल्याकटाउन काउन्सिल अन्तर्गत हज्जारौ नेपाली परिवारहरुको बसोबास, रोजगारी र व्यापार ब्यवसायहरु पनि संचालित छन् । प्रवासमा बसेर नेपालि चाडपर्व मनाउदा सकेसम्म सबै एकै ठाउँमा जम्मा भएर मनाउने चाहना सबैको हुन्छ । यो क्षेत्रमा रहनु हुने नेपाली समुदायबाट बिगतमा तिज टिकटको अधिक माग आएकोले अहिले कार्यक्रमको क्षमता बढाउनु परेको ब्ल्याकटाउन नेपाली कम्युनिटीले जनाएको छ ।

स्थानिय नेपाली सामुदायिक भाषा स्कूल ‘सम्झना पाठशाला’ का विद्यार्थीहरुको प्रस्तुती रहने यो सांगीतिक तिज उत्सवमा पाठशालाका शिक्षिका र आमा समुहको पनि बेजोड प्रस्तुती रहने जानकारी पाठशाला संयोजक प्रकृति श्रेष्ठले जानकारी दिइन । समुदाय कि सदस्य, लोकप्रिय गायिका जेनिशा गौतमले उनको चर्चित ‘महंगीले मार्यो बरिलै’ नामक तिज गितको मनोरन्जनात्मक प्रस्तुति हुने जानकारी दिईएको छ ।

क्याटरिङका लागि ‘थर्ड आइ’ रेस्टुरेन्टले ३ कोर्स मियल प्रदान गर्ने भएको छ । टिकट दर, १२ बर्ष उमेर माथीकालागि ३५ डलर, ६ – १२ बर्षका लागि २० डलर राखिएको छ भने ६ बर्ष मुनिका लागि निशुल्क प्रवेशको व्यवस्था मिलाईएको छ ।

बिएनसी तिज नाइटमा  यस क्षेत्रमा रहने नयाँ पुस्ताका बाबु-नानिहरुलाई स्वयंसेवकको रुपमा परिचालन गरिने भएको छ । सामाजिक जिम्मेवारी र आपसी नेटवर्किंङ् होस् भनेर हाम्रा नयाँ पुस्तालाइ यो जिम्मेवारी दिईएको बिएनसी अध्यक्ष सिताराम घिमिरेले नेपाली टाइम्सलाई जानकारी दिए ।

होम लोन क्वेष्टले प्रमूख प्रायोजन गरेको बिएनसी तिज नाइटमा सफायर रियल स्टेट र रुबी होम्सले यसलाई सशक्त बनाउन योगदान दिएका छन् । सपोर्टरका रुपमा  प्रायोजन गरि सहयोग गर्ने स्थानीय ब्यबसायीहरुमा Righton Finance- Mortgage & Loan Service, Caliber Builders, Mentor Migration & Education Services, Urban Real Estate, Imperior Conveyancing,  Wish Real Estate – Seven Hills, Women’s Wear by Women’s Arena, Support Finance, Ray White Blacktown, Aussie Finance and Home Loans, Tilicho Consulting Group रहेका छन् । कार्यक्रमस्थलमा Womens Arena ले महिला बस्त्र तथा फेशन सम्बन्धि स्टल राख्ने भएको छ। यसै गरि राफल उपहारस्वरूप Showground Dental Care र  S K Vision Dentistry ले  फ्री डेन्टल भौचर र Srijana Hair & Make Up ले फ्री ब्युटी भौचर प्रदान गर्ने भएका छन् । लोकल डिजेको जिम्मेवारी समिश शर्माले लिएका छन् भने प्रोफेशनल फोटो तथा भिडेओग्राफीको पनि व्यवस्था गरिएको छ। कार्यक्रम यहि १९ अगस्त शनिबार साँझ ६ बजे देखि १० बजेसम्म हुनेछ ।

मनोरंजन, खान-पान तथा सामाजिक परिवारिक भेटघाटको यो सुनौलो अवसरकोलागि आफ्नो सिट समयमै सुरक्षित राख्न अनुरोध गरिन्छ । टिकटको लागि सिताराम घिमिरे – ०४२३ ७१५ २२९ र प्रकृति श्रेष्ठ – ०४२१ २३४ ०१०, प्रतिज्ञा अधिकारी – ०४३३ ५९७ १६४ लाई सम्पर्क गर्न सक्नुहुनेछ।

कार्यक्रम स्थल : Bowman Hall, 35 Campbell Street, Blacktown NSW 2148