प्रधान न्यायाधीश विश्वम्भर प्रसाद श्रेष्ठद्वारा शपथ

-- नेपाली टाईम्स अष्ट्रेलिया ?>

काठमाडौं– सर्वोच्च अदालतका नवनियुक्त प्रधान न्यायाधीश विश्वम्भर प्रसाद श्रेष्ठले मंगलबार पद तथा गोपनीयताको शपथ लिएका छन् । नवनियुक्त प्रधानन्यायाधीश विश्वम्भरप्रसाद श्रेष्ठले राष्ट्रपति रामचन्द्र पौडेलसमक्ष पद तथा गोपनीयताको शपथ लिएका हुन् ।

शपथ ग्रहण समारोहमा उपराष्ट्रपति रामसहाय प्रसाद यादव, प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरेलगायत संवैधानिक अंगका प्रमुखलगायतको उपस्थिति थियो ।

प्रधानन्यायाधीश श्रेष्ठ रोलक्रम अनुसार सर्वोच्चका प्रधानन्यायाधीशमा संवैधानिक परिषद्ले सिफारिस गरेको थियो । श्रेष्ठलाई सोमबार संसदीय सुनुवाइ समितिले प्रधानन्यायाधीशमा अनुमोदन गरेको हो । संवैधानिक परिषद्को सिफारिसमा सोमबार नै राष्ट्रपति पौडेलले श्रेष्ठलाई संविधानको धारा १२९ को (२) बमोजिम प्रधानन्यायाधीश पदमा नियुक्त गरेका थिए ।