एशिया कप क्रिकेटः नेपाललाई पाकिस्तानको विशाल लक्ष्य

-- नेपाली टाईम्स अष्ट्रेलिया ?>

काठमाडौं– पाकिस्तानले एशिया कप क्रिकेटको उद्घाटन खेलमा नेपाललाई ३ सय ४३ रनको विशाल लक्ष्य दिएको छ । पाकिस्तानका बाबर आजमले १५१ तथा इख्तिखार अहमदले १०९ रन बनाएपछि नेपालले विशाल लक्ष्य पाएको हो । पाकिस्तानले ५० ओभरको खेलमा छ विकेट गुमाएर ३४२ रन बनाएको हो ।

नेपालका लागि सोमपाल कामीले अन्तिम ओभरमा दुई विकेट लिए । उनले पाकिस्तानका कप्तान बाबर आजम तथा शादाब खानको विकेट लिए । करण केसी तथा सन्दीप लामिछानेले समान एक विकेट लिए ।
सुरुको १० ओभरमा ४४ रन जोडेको पाकिस्तानले अन्तिम १० ओभरमा १२९ रन जोडेको थियो ।

२५ रनमा २ विकेट गुमाएको पाकिस्तानलाई कप्तान आजमले मोहम्मद रिजवान र इफ्तिखर अहमदसँग गतिलो साझेदारी गर्दै सम्हालेका हुन् । उनले रिजवानसँग चौथो विकेटका लागि ८६ रनको साझेदारी गरेका थिए । पाकिस्तानका फकार जमान १४, आघा सलमान ५, इमाम उल हक ५ र मोहम्मद रिजवान ४४ रन बनाएर आउट भए । पाकिस्तानका दुई ब्याट्सम्यान रन आउट भएका थिए ।