भारतविरुद्ध नेपालको उत्कृष्ट ब्याटिङ, आशिफ र सोमपालको ब्याटिङमा २३१ रनको लक्ष्य

-- नेपाली टाईम्स अष्ट्रेलिया ?>

काठमाडौं– एशिया कप २०२३ को जारी खेलमा नेपालले भारतलाई जीतका लागि २३१ रनको लक्ष्य दिएको छ । नेपालले ४८.२ ओभरमा अलआउट हुँदै २३० रन जोडेको हो । भारतको मोहम्मद सिराजले नेपालका ललित राजवंशीलाई क्लिन बोल्र्ड गर्दै नेपाललाई अलआउट गरेका हुन् । नेपालका लागि ओपनर आशिफ शेखले ९७ बलमा ५८ रन बनाए । त्यसक्रममा उनले आठ चौका प्रहार गरे ।

नेपालका अलराउण्डर सोमपाल कामीले ५६ बलमा ४८ रनको उत्कृष्ट योगदान दिए । उनले दुई छक्का तथा एक चौका प्रहार गरे । नेपालका अन्य ब्याट्सम्यानहरुमध्ये कुशल भूर्तेलले २५ बलमा ३८ रन बनाए । त्यसक्रममा उनले तीन चौका तथा दुई छक्का प्रहार गरे । उनीहरुबाहेक गुल्सन झाले ३५ बलमा २३ रन, दिपेन्द्र सिंह ऐरीले २५ बलमा २९ रन तथा सन्दीप लामिछानेले १७ बलमा ९ रनको योगदान दिए ।

भारतका लागि रविन्द्र जडेजा तथा मोहम्मद रिसाजले समान तीन विकेट लिए भने मोहम्मद सामी, हार्दिक पाण्ड्या तथा शार्दूल ठाकुरले समान एक विकेट लिए ।