बझाङमा ६ दशमलव रेक्टरको भूकम्प

-- नेपाली टाईम्स अष्ट्रेलिया ?>

काठमाडौं– पश्चिम नेपालको बझाङ केन्द्रबिन्दु बनाएर ६ दशमलव ३ रेक्टर स्केलको भूकम्प गएको छ । मंगलबार दिउँसो ३ बजेर ५ मिनेटमा उक्त भूकम्पको गएको राष्ट्रिय भूकम्प मापन केन्द्रले जनाएको छ ।

भूकम्पको धक्का कैलाली, डोटी, डडेल्धुरा, बाजुरालगायत आसपासका जिल्लामा महसुस गरिएको छ । उक्त धक्का काठमाडौंमा समेत सामान्य महसुस भएको छ । स्थानीयले उल्लेख गरेका छन् । थप विवरण आउन बाँकी छ ।

यसअघि मंगलबार दिउँसो २ बजेर ४० मिनेट जाँदा बझाङकै तलकोट केन्द्रविन्दु भएर ५.३ म्याग्निच्युडको भूकम्प गएको थियो । पटक–पटक परकम्प गइरहेको हुनाले अहिले स्थानीय बासिन्दा घर बाहिर खुला चौरमा बसिरहेका छन् । भूकम्पको धक्का छिमेकी प्रदेश तथा भारतको राजधानी दिल्लीसम्म पनि महसुस भएको जनाइएको छ ।