काठमाडौं– इजरायलबाट २५४ जना नेपाली स्वदेश फर्किएका छन् । द्वन्द्वग्रस्त इजरायलको बेनगुरियन विमानस्थलबाट २ सय ५४ जना नेपाली बोकेको नेपालवायु सेवा निगमको जहाज शुक्रबार बिहान काठमाडौं अवतरण भएको हो । हिजो अपरान्ह उडेको जहाज शुक्रबार बिहान करिब पौने तीन बजे त्रिभुवन अन्तर्राष्ट्रिय विमानस्थलमा अवतरण गरेको हो ।

युद्धग्रस्त क्षेत्रबाट फर्किएका आफ्ना छोरा–छोरीलाई लिन विमानस्थलमा पुगेका आफन्तको आँशुमा हर्षको आँसु देखिएको थियो । परिवारजनहरू भावविव्हल भएका थिए । उनीहरू आफ्ना सन्तानहरुलाई अँगालो हालेर रोइरहेका देखिन्थे ।

बिहिबार बिहान करिव चार बजे इजरायल उडेको विमान झण्डै २४ घण्टापछि नेपालीहरुको उद्धार गरी काठमाडौं फर्किएको हो । परराष्ट्रमन्त्रीएनपी साउदको नेतृत्वमा नेपाल एयरलाइन्सको विमान इजरायलमा जोखिममा रहेका नेपालीको उद्धारका लागि पठाइएको थियो । वरिष्ठ क्याप्टेन श्रवण रिजाल नेतृत्वको क्रुू मेम्बरले उद्धार उडान भरेका हुन् । हमासको आक्रमणमा परी त्यहाँ इन्टर्नमा रहेका १० नेपाली विद्यार्थीको मृत्यु भएको थियो । उनीहरूको शव भने ल्याइएको छैन ।