यूएईविरुद्ध नेपालको रोमाञ्चक जीत

-- नेपाली टाईम्स अष्ट्रेलिया ?>

काठमाडौं– त्रिकोणात्मक टी–२० सीरीज अन्तर्गत समूह चरणको आफ्नो अन्तिम खेलमा नेपालले यूएईविरुद्ध रोमाञ्चक जीत हासिल गरेको छ । यूएईले दिएको १६५ रनको लक्ष्य नेपालले ४ बल बाँकी छदैँ ५ विकेट गुमाएर पुरा गरेको हो । टस हारेर पहिले ब्याटिङ गरेको यूएईले निर्धारित २० ओभरमा ७ विकेट गुमाएर १६४ रन जोडेको थियो ।

आजको खेलमा ओपनर आसिफ शेख, कप्तान रोहित पौडेल तथा फिनिसर दिपेन्द्र सिंह ऐरीले शानदार इनिङ खेले । नेपालका आसिफ शेखले ५० बलमा ६२ रनको अर्धशतकीय इनिङ खेले । त्यस्तै ४२ बलमा रोहित पौडेलले ४२ बलमा ४७ रन जोडे । नेपालका लागि विष्फोटक ब्याटिङ गरेका दिपेन्द्रले १५ बलमा ४० रनको योगदान दिए । युएईका लागि मोहम्दजवाद उल्लाहले सर्वाधिक २ विकेट लिए ।