काठमाडौं– काठमाडौंबाट पोखरातर्फ प्रस्थान गर्ने क्रममा सौर्य एयरलाइन्सको ९ एन एएमई जहाज बुधवार बिहान ११ः११ बजेको समयमा दुर्घटना हुँदा विमानमा सवार १८ जनाको निधन भएको छ । उक्त जहाज उड्ने क्रममा त्रिभुवन अन्तर्राष्ट्रिय विमानस्थलको ‘रन वे पूर्वतर्फको खाल्डोमा खसेको थियो । विमानमा सवार १८ जनाको शव यत्रतत्र छरिएर रहेका अवस्थामा सङ्कलन गरिएको विमानस्थल सुरक्षार्थ खटिएका वरिष्ठ प्रहरी उपरीक्षक डम्बर विकले जानकारी दिए ।

सङ्कलित शवहरु महाराजगन्ज अवस्थित त्रिभुवन विश्वविद्यालय शिक्षण अस्पतालमा पुर्याइएको िथयो । प्रहरी उपरीक्षक विकका अनुसार सो विमानका चालक दलका एक सदस्यलाई जीवितै उद्धार गरिएको छ । यस्तै, जहाजमा रहेका क्याप्टेन मनीषरत्न शाक्यलाई उद्धार गरेर केएमसी अस्पतालमा लगिएको काठमाडौं उपत्यका प्रहरी कार्यालय रानीपोखरीका प्रवक्ता एसएसपी दिनेशराज मैनालीले जानकारी दिएका छन् । सौर्य एयरलाइन्सको जहाज मर्मतका लागि कर्मचारी र प्राविधिक लिएर पोखरा जाँदै गरेको उक्त विमान दुर्घटनामा परेको हो । उक्त विमान दुर्घटनामा परेपछि केही घण्टा विमानस्थलको उडान प्रभावित भएको थियो ।