यी हुन् नयाँ पाँच मन्त्री

-- ?>

BImalendra Nidhi

काठमाडौं— नवनिर्वाचित प्रधानमन्त्री पुष्पकमल दाहाल ‘प्रचण्ड’ को शपथ ग्रहणसंगै आज बिहिबार नेपाली कांग्रेसबाट तीन मन्त्रीले शपथ लिने निश्चित भएको छ ।

नेपाली कांग्रेसका नेता विमलेन्द्र निधिको नेतृत्वमा कांग्रेस सरकारमा जाने निश्चित भएको हो । निधिले गृह मन्त्रालय सम्हाल्ने बताइन्छ । निधिसहित कांग्रेसका तर्फबाट अर्जुननरसिंह केसीले रक्षा तथा रमेश लेखकले भौतिक पूर्वाधार तथा यातायात मन्त्रालय पाउने निश्चित भएको हो ।

यसैगरी नेकपा माओवादी केन्द्रका तर्फबाट प्रधानमन्त्री पुष्पकमल दाहालसंगै कृष्णबहादुर महरा, जनार्दन शर्मालगायतले शपथ लिने बताइन्छ । प्रवक्ता पम्फा भुसालले पार्टीबाट मन्त्री हुनेको टुंगो केही बेरमै लाग्ने जानकारी दिएकी छन् ।

कांग्रेस र माओवादी केन्द्रसहितका दलको समर्थनमा बनेको दाहाल नेतृत्वको सरकारमा कांग्रेसले १३ तथा माओवादी केन्द्रले आठ मन्त्रालय पाउने सहमति भएको छ ।

साना दललाई पनि सरकारमा सामेल गर्दा मन्त्रालयको संख्यामा थपघट हुनसक्ने बताइएको राससले जनाएको छ ।