दुर्घटनामा परेको हेलिकप्टरमा सवार सबैको निधन

-- ?>

Fistail Air

काठमाडौं- गोर्खाबाट काठमाडौंका लागि उडेको फिस्टेल एयरको हेलिकप्टर दुर्घटना हुँदा त्यसमा सवार सबै ७ जना यात्रुको निधन भएको छ ।

नुवाकोटको मदानपुर–९ पाखुरेस्थित बेतिनिको जंगलमा दुर्घटना हुँदा सबैको मृत्यु भएको नुवाकोटको प्रमुख जिल्ला अधिकारी विष्णुप्रसाद पोखरेलले पुष्टि गर्नु भएको छ ।

ककनीबाट पुगेको प्रहरी टोलीले दिएको जानकारी अनुसार शव यत्रतत्र छरिएको अवस्थामा रहेको पोखरेलले बताउनु भएको छ ।

गोरखाको सिर्दिवास ८ फिलिमबाट साढे ११ बजेतिर उडेको नाइनएन एकेए साइन भएको हेलिकप्टर सवा १२ बजेपछि नुवाकोटको आकासबाट सम्पर्क विहिन भएको थियो ।
गोरखाका प्रमुख जिल्ला अधिकारी नारायणप्रसाद भट्टका अनुसार हेलिकप्टरमा पाईलट रञ्जन लिम्बु, सिर्दिबास २ का ६० बर्षीय जितमान गुरुङ, ५६ बर्षीय अन्जनी गुरुङ, १९ बर्षीया प्रिति गुरुङ, लक्ष्मी गुरुङ, इटहरीकी निशा तामाङ र ५ दिनका शिशु रहेका छन् ।
तामाङवाहेक अरु सबै यात्रु एकै परिवारका हुन् ।