नेविसंघको बन्द सत्र अझै अनिश्चित

-- ?>

NeBiSangh

काठमाडौं— काठमाडौंमा जारी नेपाल विद्यार्थी संघ (नेविसंघ) को सोमबार स्थगित भएको बन्दसत्र मंगलबार पनि सुचारु हुन सकेको छैन । मंगलबार हुने भनिएको बन्सशत्र अझ अनिश्चित भएको हो ।
दुई दिनअघि तामझामका साथ नेपाली कांग्रेस पार्टी सभापति शेरबहादुर देउवाद्वारा उद्घाटित नेविसंघको महाधिवेशनको सोमबार नै हुने पर्ने बन्दसत्र प्रतिनिधि चयनमा भएको विवाद मिलाउन भन्दै मंगलबार २ बजेसम्मका लागि स्थगित गरिएको थियो । विवाद मंगलबार पनि बन्दसत्र प्रारम्भ हुन नसकेको हो ।
नेविसंघका एक समूहले प्रदर्शनीमार्गमा विवाद समाधान गरेर मात्रै महाधिवेशन जारी गर्नुपर्ने भन्दै नारबाजी र जुलुश प्रदर्शन गरेको छ । त्यसक्रममा प्रहरी र उक्त समूहबीच केही बेर झडप समेत भएको थियो । अहिले जुलुश शान्त भइसकेको छ भने बन्दसत्र स्थल पनि सुनसान छ । विवाद मिल्न नसक्दा नेविसंघको महाधिवेशन नै अनिश्चित बन्न पुगेको हो ।