प्रधानमन्त्री भन्नुहुन्छ- ‘मन्त्रिपरिषद् विस्तार चाँडै’

-- ?>

PM Prachanda

काठमाडौं— प्रधानमन्त्री पुष्पकमल दाहालले चाँडै नै मन्त्रिपरिषद् विस्तार हुने दावी गनुए भएको छ । माओवादीको मन्त्रीहरु छनौट भइसकेको बताउँदै प्रधानमन्त्री दाहालले कांग्रेससंग छलफल गरेर मन्त्रिपरिषद् विस्तार गर्ने बताउनु भएको हो ।

प्रधानमन्त्री दाहालले माओवादीबाट मन्त्री बन्नेहरुको नाम टुंगो लागे पनि नेपाली कांग्रेस नेविसंघको महाधिवेशनमा व्यस्त भएकाले मन्त्रिपरिषद् विस्तार हुन समय लागेको बताउनु भयो ।

प्रधानमन्त्री दाहालले यसपटकको कार्यकालमा आफूले परिणाम निकाल्ने गरी काम गर्न थालेको दावी समेत गर्नु भयो । प्रधानमन्त्रीले मधेसी, थारु लगायतको अधिकतम माग सम्बोधन गर्ने र आन्तरिक राष्ट्रिय एकतालाई सुदृढ गर्दै संविधान कार्यान्वयन गर्ने बताउनु भयो ।

प्रधानमन्त्रीले आफू राजनीतिक सहमति र संविधान संशोधनबाट माग सम्बोधन गर्ने प्रयासमा रहेको समेत बताउनु भयो । प्रधानमन्त्री प्रचण्डले महंगी र कालोबजारी नियन्त्रणलाई पनि यो सरकारले प्राथमिकतामा राखेको बताउनु भयो ।