नेविसंघको निर्वाचन शनिवार

-- ?>

Nebisang_new

काठमाडौं— काठमाडौंमा जारी नेपाल विद्यार्थी संघको ११ महाधिवेशनअन्तर्गत नयाँ नेतृत्वका लागि पर्सि शनिवार निर्वाचन हुने भएको छ ।
नेविसंघले आज बिहिबार सबै महाधिवेशन प्रतिनिधिको नामावली सार्वजनिक गरी कार्ड, झोला र अन्य सामग्री वितरण गर्ने जनाएको छ । संघको निर्वाचन गर्न पार्टीले गठन गरेको निर्वाचन समितिले बिहिबार दिनभरिमा मतदाता नामावली सूचि तयार गरी प्रकाशन गर्ने भएको छ ।

समितिले भोलि शुक्रबार उम्मेदवारी मनोनयन दर्ता, उम्मेदवारी मनोनयनउपर दाबी विरोध र उम्मेदवारको अन्तिम नामावली सार्वजनिक गर्ने समिति संयोजक भरतप्रसाद खरेलले जानकारी दिएका छन् ।

निर्वाचनका उक्त सबै कार्यक्रम पार्टी कार्यालय सानेपामा हुनेछन् । निर्वाचन भने शनिवार बिहान ७ बजे राष्ट्रिय सभागृहमा गर्ने तयारी भइरहेको छ ।

केही दिन नेविसंघ महाधिवेशनको उद्घाटन भएपनि महाधिवेशन प्रतिनिधि विवाद मिलाउन ढिलाइ हुँदा बन्दसत्र अझै हुन सकेको छैन ।